გაეროს ქალთა ორგანიზაციის UN WOMEN) ინიციატივით დღეს, 9 ივლისს დემოკრატიული ჩართულობის ცენტრში პროექტ "გენდერული თანასწორობის ხელშეწყობისთვის საქართველოში" ფარგლებში სპეციალური შეხვედრა - "მამაკაცური საუბრები“ გამართა. შეხვედრა მიზნად ქალთა მიმართ ძალადობის წინააღმდეგ ახალგაზრდა ბიჭების ცნობიერების ამაღლებას ითვალისწინებდა. ოჯახში ძალადობის დამარცხებაზე და გენდერის საკითხებზე ახლაგაზრდებს მსოფლიო ჩემპიონმა კარატეში და მსოფლიო თასის მფლობელმა გიგა ჭიკაძემ ესაუბრა. როგორც გაეროს ქალთა ორგანიზაციის წარმომადგენელმა, ირინა ჯაფარიძემ რადიო „ათინათთან“ საუბარში აღნიშნა, "შეხვედრის მიზანია, ერთის მხრივ ოჯახში ძალადობის სახელმწიფო ცხელი ხაზის პოპულარიზაცია, რომლის ნომერიც გახლავთ 2 309 903, მეორეს მხრივ საზოგადოების ცნობიერების ამაღლება ოჯახში ძალადობის პრობლემასთან დაკავშირებით, განსაკუთრებული აქცენტით, მამაკაცებზე და ვაჟებზე, რადგანაც სწორედ მათი ჩართულობის გარეშე შეუძლებელია ძალადობასთან ბრძოლა.“ მსოფლიო ჩემპიონმა კარატეში, გიგა ჭიკაძემ კი ჟურნალისტებთან საუბრისას აღნიშნა, რომ მათი მთავარი ლოზუნგი “დაამარცხე ოჯახში ძალადობაა“. პროექტ „მამაკაცური საუბრების“ ფარგლებში ზუგდიდის მუნიციპალიტეტში 6 შეხვედრაა დაგეგმილი.