საფეხბურთო კლუბმა „ზუგდიდმა“ ახალი სეზონისთვის მზადება უკვე დაიწყო თუმცა, კლუბის ბიუჯეტში, ჯერჯერობით, არც ერთი თეთრი არ ირიცხება. გუნდს ასევე არ ჰყავს, მთავარი მწვრთნელი. ამის შესახებ რადიო „ათინათს“ კლუბის პრესასთან ურთიეთობის სამსახურმა ლაშა გოგილავამ განუცხადა. “მუხედავად იმისა, რომ გუნდმა მზადება ფინანსების გარეშე დაიწყო, ადგილობრივი ხელისფლებისგან გვაქვს პირობა, რომ მიმდინარე კვირას კლუბის საკითხი დადებითად გადაწყდება“, -აცხადებს ლაშა გოგილავა. ზუგდიდის მუნიციპალიტეტის გამგგებლის მოადგილის მოვალეობის შემსრულებელი გურგენ სართანია აცხადებს, რომ კლუბის დაფინანსების საკითხს, ხელი საპრეზიდენტო არჩევნების თარიღის ნაადრევმა გამოცხადებამ შუშალა. მისივე განმარტებით, არჩევნების თარიღის გამოცხადების შემდეგ ბიუჯეტში ცვლილებების ან დამატების შეტანა კანონით იკრძალება. ასევე, ზუგდიდის გამგებელის მოვალეობის შემსრულებელი ედიშერ თოლორაია  აცხადებს, რომ ხვალ 16 ივლისს ზუგდიდში სპორტისა და ახალგაზრდობის მინიტრს ლევან ყიფიანს ელოდებიან, სადაც ერთერთ საკითხად, კლუბის პრობლემები იქნება განხილული. სავარაუდოდ, საფეხბურთო კლუბ „ზუგდიდის“ ბედი  მინისტრის სტუმრობის შემდეგ გაირვევა. ცნობისთვის, საფეხბურთო კლუბი „ზუგდიდი“ მუნიციპალიტეტის ბალანსზეა. კლუბს,   მიმდინარე წელს ადგილობრივი ბიუჯეტიდან,  სულ 700 ათასი ლარი გამოიყო. აქედან,  280 ათასი ლარი გასული წლის დავალიანების დაფარვას მოხმარდა. კლუბის ხელმძღვანელების განმარტებით, გუნდის ნორმალური ფუნქციონირებისთვის 2 მილიონი ლარია საჭირო.