დღეს, 24 ივლისს, 16:00 საათზე, ანაკლიის ,,მომავლის ბანაკში“ ,,საინფორმაციო ცენტრი ნატოსა და ევროკავშირის შესახებ“ და „ბავშვთა და ახალგაზრდობის ეროვნულ ცენტრი“ ურთიერთ თანამშრომლობის მემორანდუმს  გააფორმებენ. მემორანდუმის გაფორმების შემდეგ, ბანაკში ნატოსა და ევროკავშირის კუთხე გახსნება, ასევე გაიმართება  შეხვედრა მოსწავლეებთან. ბავშვთა და ახალგაზრდობის ეროვნული ცენტრი სასწავლო წლის დაწყებამდე წარმატებული ახალგაზრდების შვიდ ნაკადს უმასპინძლებს. თითოეულ ნაკადში საქართველოს სხვადასხვა სკოლის 288 უფროს კლასელი იქნება წარმოდგენილი. საინფორმაციო ცენტრი ნატოსა და ევროკავშირის შესახებ აქტიურად იქნება ჩართული „მომავლის ბანაკის“ მუშაობაში, ჩატარდება სხვადასხვა ტიპის საგანმანათლებლო-შემეცნებითი ღონისძიება, მათშორის, ლექციები, დებატები, დისკუსიები, ფილმისჩვენება და სხვადასხვა სპორტული შეჯიბრი. ნატოსა და ევროკავშირის შესახებ საინფორმაციო ცენტრის მიზანია საქართველოს ევროპულ და ევროატლანტიკურ სტრუქტურებში ინტეგრაციის პროცესის შესახებ საზოგადოების ცნობადობის ამაღლება. მოსწავლე-ახალგაზრდობა, როგორც ერთ-ერთი ყველაზე მნიშვნელოვანი სამიზნე ჯგუფი, აქტიურად არის ჩართული ცენტრის საქმიანობაში. დღეს გაფორმებული მემორანდუმი ხელს შეუწყობს ნატოსა და ევროკავშირის შესახებ საინფორმაციო ცენტრისა და ბავშვთა და ახალგაზრდობის ეროვნული ცენტრის სამომავლო  თანამშრომლობას.