უხვმა ნალექმა წყალდიდობა გამოიწვია ხობის რაიონის სოფელ ჭალადიდში. წყალდიდობის გამომწვევ მიზეზად ადგილობრივი მოსახლეობა სანიაღვრე არხების მოუწესრიგებლობას ასახელებს. მიუხედავად იმისა, რომ სანიაღვრე არხებს აქვს სპეციალური გადასაკეტი და ტუმბოები, ის საჭიროებს ამოწმენდას.წყალდიდობამ და მოვარდნილმა ნიაღვარმა აზარალა სოფელ ჭალადიდის მოსახლეობა. დაიხოცა შინაური ფრინველი და დაიტბორა ,როგორც საცხოვრებელი სახლები, ასევე ყანები. მთლიანად განადგურებულია ერთწლიანი ნარგავები. ადგილობრივი ხელისუფლება სტიქიისგან მიყენებულ ზარალს უკვე მეორედ ითვლის. ძლიერი წვიმის შედეგად ადიდებულმა მდინარეებმა ზუგდიდის რაიონის სოფელ განმუხურიც დატბორა. ადგილობრივი მოსახლეობის ინფორმაციით, წყალი მათ ეზოებში და საცხოვრებელ სახლებში შევიდა. ადგილზე იმყოფებიან ადგილობრივი ხელისუფლების წარმომადგენელები და სამაშველო სამსახურის თანაშრომლები.