ორგანიზაცია "ახალგაზრდა ადვოკატები"ინფორმაციას ავცრელებს, რომლის თანახმადაც სენაკის შეიარაღებული ძალების ეროვნულ ბრიგადაში, 2013 წლის 25 ივლისს 52 ჯარისკაცი საკვებით მოიწამლა, ეს შემთხვევა კი არ გახმაურებულა. ორგანიზაცია თავდაცვის მინისტრს მიმართავს დაინტერესდეს ვინ უზრუნველყოფს სამხედროების კვებას და მეტი ყურადღება გამოიჩინოს სამხედრო მოსამსახურეთა კვებითი უსაფრთხოების საკითხში-"არსებული ინფორმაციით, დღეს კომპანია „ქართული კვება“ შეიარაღებული ძალების სისტემაში ლიდერი კონტრაქტორია, რომელიც სფეროში ფაქტობრივ მონოპოლიას ფლობს. შესაბამისად, ჯარისკაცების მოწამვლის შემთხვევები აუცილებლობას ბადებს მეტი სიცხადე და გამჭვირვალობა არსებობდეს კვებით უსაფრთხოების სფეროში, ხოლო სამინისტრომ და მინისტრმა გაცილებით მეტი ყურადღება უნდა გამოიჩინოს ამ მიმართულებით." აცხადებენ ორგანიზაციაში. "ახალგაზრედა ადვოკატები ყურადღებას ამახვილებენ იმ ფატზე რომ სამხედრო მოსამსახურეები არანორმირებულიდან ნორმირებული კვების რეჟიმზე გადავიდნენ და უწყების პირველი პირისგან მოითხოვენ გაკეთდეს ახსნა-განმარტება რა გახდა ამის მიზეზი. ჯარისკაცების მოწამვლის შემთხვევები ცოტა ხნის წინ ქუთაისში, გორში, ვაზიანსა და ფოთშიც დაფიქსირდა.