ქალთა საინფორმაციო ცენტრისა და გაეროს ქალთა ორგანიზაციის ერთობლივი ინიციატივით დღეს ზუგდიდის გამგეობის სააქტო დარბაზში შეხვედრა გაიმართა. შეხვედრის მიზანი, მძიმე სოციალური პრობლემების მქონე დევნილი ოჯახებისთვის, ადილზე სწარაფი დახმარების გაწევა იყო. დევნილთა უმრავლესობა რომელიც კომპაქტურადაა ჩასახლებული, საკუთარ სოციალურ პრობლემებზე საუბრობს. როგორც ავად განმარტავენ, მათ ძირითადად უმუშევრობა და მძიმე სოციალური პრობლემები აწუხებთ. „500 ლარამდე ელექტოენეგრგიის დავალიანება გვქვს და უშუქოთ ვიყავით.მძიმე ავადმყოფები გვყავს და იძულებულები გავხდით ჩევნ თვითონ ჩაგვერთო შუქი. ახლა გვაქვს დენი მაგრამ დავალიანებას ვერ ვიხდით, არ ვიცი როდის გაგვითიშავენ. დახმარებას დაგვპირდნენ. ასევე გვაქვს ძალიან ცუდი საცხოვრებელი პირობები, გვაწვიმს და იატაკი დამპალია, ბავშვების იქ ყოფნა საშიშია“ - უთხრა რადიო „ათინათს“ ანაკლიის საბავშვო ბაღში ჩასახლებულმა დევნილმა, მაია ბულიამ. დევნილთა სამმართველოს ზუგდიდის ოფისის ხელმძღვანელის, ირაკლი ქოჩუას განმარტებით, დევნილების პრობლემების უმრავლესობა, რომელიც შეხვედრაზე გაჟღერდა, მოგვარებადია. „რამდენიმე საკითხი ადგილზე გადაწყდა. რამდენიმე მოგვარებადია და მალე გადაწყდება. თუმცა ყველაზე რთული საკითხი არის განსახლება, რომლის გადაწყვეტას დრო სჭირდება. მშენებლობები დაწყებულია და მომავალი წლისთვის ყველაზე გაჭირვებულ დევნილებს თავშესაფარი მიეცემათ“- აცხადებს ირაკლი ქოჩუა. „ქალები თანასწორობის, მშვიდობისა და განვითარებისათვის საქართველოში“, შესახებ პროექტი ხორციელდება გაეროს ქალთა ორგანიზაციის მიერ ქალთა საინფორმაციო ცენტრთან და ფონდ ტასოსთან პარტნიორობით. პროექტი ხორციელდება ნორვეგიის მთავრობის მხარდაჭერით. პროექტის მიზანია იძულებით გადაადგილებული, კონფლიქტის შედეგად დაზარალებული და ეროვნული უმცირესობების ქალთა ჯგუფების, სამოქალაქო საზოგადოებისა და მთავრობის მხარდაჭერა და მათი შესაძლებლობების გაძლიერება, საქართველოში გენდერული თანასწორობის და ქალთა უფლებების დაცვის მიზნით. შეხვედრას, ადგილობრივი თვითმმართველი ორგანოების, დევნილთა სამმართველოს ზუგდიდის ოფისისა და სოციალური მომსახურეობის სააგენტოს წარმომადგენლები ესწრებოდნენ.