პრეზიდენტობის კანდიდატმა ზურაბ ხარატიშვილმა საარჩევნო კამპანია ზუგდიდიდან დაიწყო პრეზიდენტობის კანდიდატმა ზურაბ ხარატიშვილმა ოფიციალურად, საარჩევნო კამპანია ზუგდიდიდან დღეს, 3 სექტემბერს დაიწყო. ხარატიშვილი ამომრჩევლებს სამხატვრო გალერეაში შეხვდა და საპრეზიდენტო პროგრამა გააცნო. ზურაბ ხარატიშვილი ამომრჩევლებს, ედპ-ს და „ევროპული დემოკრატების“ ლიდერებმა, ბაჩუკი ქარდავამ და პაატა დავითაიამ წარუდგინეს. ხარატიშვილის განცხადებით, მისი საარჩევნო კამპანიის ზუგდიდიდან დაწყება შემთხვევითი არ არის, რადგან საქართველოს განვითარება სამეგრელოდან უნდა დაიწყოს. მისივე განმარტებით, ქართულ პოლიტიკაში სიძულვილის ენაა დამკვიდრებული, რასაც მათი პოლიტიკური სპექტრი უარყოფს. მან ასევე ამომრჩევლებს განუცხადა, რომ ისინი ცრუ და არარეალური დაპირებებისგან თავს იკავებენ. „ჩვენი აზრით სამეგრელოს აქვს ძალიან დიდი პოტენციალი, იმისა რომ გახდეს საქართველოში განვითარების ცენტრი. სამეგრელო არის ხერხემელი, რომლსაც შეუძლია საქარელოს გაერთიანება“,- აცხადებს ზურაბ ხარატივილი. ედპ-ს და „ევროპული დემოკრატების“ ლიდერები, ბაჩუკი ქარდავასა და პაატა დავითაიას განცხადებით, ხარატიშვილის მთავარი დამსახურება, იმაში მდგომარეობს რომ მან ბოლო საპარლამენტო არჩევნები კარგად ჩაატარა. „მან მოახერხა, რომ მთავრობის გადაბარება მომხდარიყო არაძალადობრივი გზით. მან შეძლო ყველა პარტიასთან საერთო ენის გამონახვა და აქედან გამომდინარე მიგვაჩნია, რომ ის როგორც პრეზიდენტი მოახერხებს ყველასთან საუბარს“, - განუცხადა ჟურნალისტებს „ევროპული დემოკრატების“ ლიდერმა პაატა დავითაიამ. ცნობისთვის, ედპ-ეს და „ევროპული დემოკრატების“ ლიდერებმა, ერთობლივი კონსულტაციების შედეგად, ცესკოს ყოფილი თავმჯდომარე ზურაბ ხარატიშვილი პრეზიდენტობის კანდიდატად 30 აგვისტოს წარადგინეს.