ქსნის #15 საპყრობილეში მსჯავრდებულ ვეფხვია უბილავას სიცოცხლე საფრთხეშია. ამის შესახებ  მსჯავრდებულის ადვოკატმა თანდილა ჯოლოგუა და პატიმრის დამ ლელა უბილავამ დღეს, 25 სექტემებერს საგანგებოდ  გამართულ პრესკონფერენციაზე განაცხადეს. ჯოლოგუას თქმით, მსჯავრდებული აივ-ინფექციით არის დაავადებული და მან პროტესტის ნიშნად მედიკამენტების მიღება შეწყვიტა. მისივე განმარტებით, მისი დაცვის ქვეშ მყოფი ვეფხვია უბილავა უდანაშაულოა და საქმის თავიდან გადახედვას ითხოვს. „ჩვენ უკვე მივმართეთ რესპუბლიკის მთავარ პროკურორს, ირაკლი ღარიბაშვილს, თუმცა რეაგირება არ ყოფილა. მე ვიხსნი ყოველგვარ პასუხისმგებლობას მის სიცოცხლესთან დაკავშირებით და პასუხისმგებლობას ვაკისრებ იმას ვისაც განცხადებით მივმართე და მის გუნდის წევრებს“ - ამბობს თანდილა ჯოლოგუა. ამასთან,  ჯოლოგუა ამბობს, რომ პატიმრის ჯანმრთელობის მდგომარეობით სასჯელაღსრულების მინისტრი, სოზარ სუბარიც საქმის კურსშია. „მინისტრიც შეშფოთებულია ამ ფაქტით. მან რამდენჯერმე დამირეკა პატიმრის ჯანმრთელობასთან დაკავშირებით და ისიც ჩემსავით იხსნის პასუხისმგებლობას“, - ამბობს ადვოკატი თანდილა ჯოლოგუა. მსჯავრდებულის და ლელა უბილავა ამბობს, რომ მისი ძმის ჯანმრთელობის მდგომარეობა უკიდურესად მძიმეა. იგი ასვე, მისი ძმის  საქმის მასალების თავიდან გადახედვას ითხოვს. „რა ვთქვა არ ვიცი, არის უკიდურესად ცუდად. ყველამ ყველაფერი იცის. ძალიან ბევრი განცხადება გვაქვს შეტანილი, თუმცა პასუხი არც ერთხელ არ მიგვიღია“, - ამბობს ლელა უბილავა. როგორც, ადვოკატი აცხადებს ვეფხვია უბილავა და მანუჩარ მალიშავა ქალაქ ფოთში 2012 წლის დააკავეს. ჯოლოგუას განმარტებით, დაკავებულები უდანაშაულოები იყვნენ. თუმცა სასამართოლომ უბილავას 4 წლით თავიუფლების აღკვეთა მიუსაჯა, ხოლო მალიშავას  5000 ლარის ჯარიმის გადახდა დაეკისრა.