დავით ბაქრაძის საარჩევნო შტაბის ხელმძღვანელი ლაშა დამენია აცხადებს, რომ რამდენიმე საარჩევნო უბანზე „ნაციონალური მოძრაობის” წარმომადგენლები არ შეუშვეს. მისივე თქმით, ეს ფაქტი კომისიის წევრების გამოუცდელობით არის გამოწვეული. „ოცნებამ, კომისიაც კი ნეპოტიზმის გათვალისწინებით აავსო, რომლებსაც არ ააქვთ არანაირი საარჩევნმო გამოცდილება. მათ დავით ბაქრაძის ნდობით აღჭურვილი პირი და პარტიის წარმომადგენელი ერთ სუბიექტად ჩათვალეს და ვიდეო კამერები არ შეუშვეს“, - აცხადებს ლაშა დამენია. ზუგდიდის #67 საოლქო საარჩევნო კომისიაში „ნაციონალური მოძრაობის“ წარმომადგენლების არ შეშვებას ადასტურებენ. „რამოდენიმე კომისიის თავმჯდომარე „ნაციონალური მოძრაობის“ წარმომადგნელსა და კანდიდატის წარმომადგენელს შორის სხვაობა ვერ გააკეთა. ჩვენი ჩარევის შემდეგ ეს პრობლემა საარჩევნო უბნებზე აღმოფხვრილია“, - განუცხადა რადიო „ათინათს“ ზუგდიდის საოლქო კომისიის თავმჯდომარემ ნანა ოყუჯავამ.