ენერგიის განახლებად წყაროებზე და ენერგოეფექტურობაზე ისაუბრეს დღეს ასოციაცია „ათინათში “ გამართულ შეხვედრაზე. კავშირ „ენერგოეფექტურობის ცენტრი საქართველო“-ს პროგრამების მენეჯერი ლიანა ღარიბაშვილი ეკო კლუბის წევრებს ენერგიის ალტერნატიული, განახლებადი წყაროების გამოყენების ხელშეწყობაზე ესაუბრა. შეხვედრა ასოციაცია „ათინათი“-ს, გაეროს ბავშვთა ფონდისა და USAID ერთობლივი პროექტის  "ახალგაზრდების ჩართულობა და განვითარება“- ფარგლებში შედგა,რომელიც სამეგრელოს რეგიონში ხორციელდება . ლიანა ღარიბაშვილი განმარტავს, რომ თანამედროვე ენერგეტიკის განვითარების ტენდენციები, გამოწვევები და პერსპექტივები მომავალში ჩვენი ცხოვრების წესსა და ყოველდღიურობაზე აისახება. ხოლო მსოფლიო გამოცდილების გაცნობა ენერგიის განახლებადი წყაროების გამოყენებისა და ენერგოეფექტურობის კუთხით ხელს შეუწყობს ახლებური ხედვის ჩამოყალიბებას და ზოგადი წარმოდგენის შექმნას მოცემულ სფეროში მიმდინარე მოვლენებისადმი, ვინაიდან ეს ადრე თუ გვიან მთელი თავისი მასშტაბურობით საქართველოსაც შეეხება. შეხვედრაზე სხვადსხვა ანიმაციური ფილმები იქნა ნაჩვენები და მონაწილეებს სინფორმაციო ბუკლეტები დაურიგდათ.