საქართველოში ამერიკის შეერთებული შტატების ელჩის, იან კელის შეფასებით, თანამედროვე სამყაროში ე.წ. საზღვრების მოწყობა სამარცხვინოა. ასე გამოეხმაურა ინა კელი ოკუპირებული ცხინვალის მიერ ადმინისტრაციული საზღვრის ჩაკეტვას.

"ჩვენ არ ვცნობთ ამ ე.წ. საზღვრებს”, - აღნიშნა ელჩმა.

ოკუპირებულმა ცხინვალმა 25 აგვისტოს ადმინისტრაციული საზღვარი ჩაკეტა. ე.წ. სახელმწიფო უშიშროების კომიტეტი იტყობინება, რომ საზღვრის გადაკვეთა 20:00სთ.-დან აიკრძალა.

მიზეზად სახელდება უსაფრთხოების ზომების გაძლიერება, რომელიც „რუსეთის მხრიდან სამხრეთ ოსეთის დამოუკიდებლობის დღის აღიარებასთან“ დაკავშირებით დაგეგმილ ღონისძიებებს უკავშირდება.

ადმინისტრაციული საზღვარი 27 აგვისტოს 07:00 საათიდან გაიხსნება.