შინაგან საქმეთა მინისტრის განცხადებით, ბოლო საკანონმდებლო ცვლილების მიხედვით, არჩევნების დღეს პოლიციელთა გაზრდილი რაოდენობა არა საარჩევნო უბნებზე, არამედ მის გარეთ იქნება შესამჩნევი.

"ამასთან, ჩვენ განვახორციელებთ უფრო აქტიურ პატრულირებას. რეაგირება იქნება მკაცრი. პირადად მე და შსს-ს მთელი შემადგენლობა არ დავუშვებთ არანაირი დესტაბილიზაციის მცდელობას. ძალადობის ნებისმიერი გამოვლენის დაუყოვნებლივ აღკვეთა მოხდება. გამოვიყენებთ კანონით განსაზღვრულ ყველა ინსტრუმენტს, რათა თავიდან ავიცილოთ ყველანაირი ფიზიკური დაპირისპირება, რომელი მხრიდანაც არ უნდა მოდიოდეს ის”, - აღნიშნა გიორგი მღებრიშვილმა „კვირის პალიტრასთან“ ინტერვიუში.