ჩილეს სანაპიროზე, ქალაქ იკიკეში 8,2 მაგნიტუდის სიმძლავრის მიწისძვრა მოხდა, რომელმაც ყველაზე ცოტა, 5 ადამიანის სიცოცხლე იმსხვერპლა.

გასულ ღამეს ჩილესა და პერუს ზღვისპირა რაიონებიდან, ცუნამის საშიშროების გამო, მოსახლეობის ევაკუცია მიმდინარეობდა, მიწისქვეშა ბიძგები პერუსა და ბოლივიაშიც იგრძნობოდა. პირველი ტალღები ჩილეს სანაპიროს მიწისძვრიდან 45 წუთში დაატყდა. მათი სიმაღლე 2 მეტრს აღწევდა. განგაშის წითელი დონე ეკვადორის სანაპიროზეც გამოცხადდა. რისკის ზონაში მოხვდნენ კოლუმბია, პანამა და კოსტა – რიკა. რეგიონში ეს სტიქიის უკვე მესამე მძლავრი შეტევაა. 24 მარტს აქ 6,1 მაგნიტუდის სიმძლავრის, ხოლო 17 მარტს – 6,7 მაგნიტუდის სიმძლავრის მიწისძვრა მოხდა. მაშინ ცუნამის საშიშროების გამო ქვეყნიდან 100 ათასზე მეტი ადამიანი იქნა ევაკუირებული. ჩილე პლანეტაზე ერთ–ერთი ყველაზე სეისმოაქტიური ზონაა. 2010 წელს აქ მომხდარი მიწისძვრისას 500–ზე მეტი ადამიანი დაიღუპა. დაკვირვებების ისტორიაში ყველაზე დამანგრეველი მიწისძვრა კი 1960 წელს მოხდა, მიწისქვეშა ბიძგების სიმძლავრე 9,5 ბალი იყო, დაიღუპა 5 ათასზე მეტი ადამიანი.