ევროკავშირმა უკრაინული საქონლისთვის ბაზრები გახსნა
უკრაინასა და ევროკავშირს შორის ავტონომიური პრეფერენციული სავაჭრო რეჟიმის ფარგლებში, ევროკავშირმა, 23 თებერვალს, თავისი ბაზრები უკრაინული საქონლისთვის ცალმხრივად გახსნა.
შესაბამისი გადაწყვეტილება ევროპარლამენტმა თავის ოფიციალურ ჟურნალში 22 აპრილს გამოაქვეყნა. ვაჭრობის პრეფერენციული რეჟიმი უკრაინულ საქონელზე შეღავათიან საბაჟო პირობებს ითვალისწინებს. აღნიშნული რეჟიმი მიმდინარე წლის1ნოემბრამდე ან უკრაინასა და ევროკავშირს შორის ასოცირების შესახებ ხელშეკრულების ეკონომიკური ნაწილის ხელმოწერამდე იმოქმედებს. ამასთან, ევროპული კავშირის ავტონომიურ პრეფერენციები არ გავრცელდება ყირიმში წარმოებულ საქონელზე.
უკრაინის ეკონომიკური განვითარებისა და ვაჭრობის სამინისტროს ინფორმაციით, უკრაინასა და ევროკავშირს შორის თავისუფალი ვაჭრობის ზონის შესახებ შეთანხმების ძალაში შესვლა, სამამულო ექსპორტის ყოველწლიურ მოცულობას მესამედით გაზრდის. უკრაინის ეკონომიკაზე ევროკავშირის სავაჭრო პრეფერენციების შედეგად მიღებულმა საერთო ეკონომიკურმა ეფექტმა, შესაძლოა 497 მილიონი ევრო შეადგინოს, აქედან 340 მილიონი ევრო - აგროპროდუქციის ექსპორტის გაზრდის ხარჯზე.
economics.unian.net
მასალის გამოყენების პირობები