დღეს ევროპის პარლამენტმა მიიღო გადაწყვეტილება, რომლის თანახმად, ლიტვა 2015 წლის 1 იანვარს ევროზონის წევრი გახდება. წამომადგენლობითი ასამბლეის 545 წევრიდან, 116 -მა ამ გადაწყვეტილების წინააღმდეგ მისცა ხმა. "ლიტვა ყველა კრიტერიუმს აკმაყოფილებს, მისმა ხელისუფლებამ და პარლამენტმა ამისთვის დიდი სამუშაო გასწიეს გასული წლის განმავლობაში ", - განაცხადა ევროპარლამენტის სესიის პლენარულ სხდომაზე, მომხსენებელმა ვერნერ ლანგენმა. „ევროზონაში ამიერიდან 19 ქვეყანა იქნება, ანუ ევროკავშირის წევრი -ქვეყნების ორი მესამედი ", - აღნიშნა მან. ლიტვამ ევროზონაში შესვლის სურვილის შესახებ 2006 წელს განაცხადა და მას შემდეგ ყველა აუცილებელი პირობის დაკმაყოფილებას ცდილობდა. ის ბალტიის მესამე და ბოლო ქვეყანა გახდა (ესტონეთისა და ლატვიის შემდეგ) რომელიც ერთიან ვალუტას შეუერთდა. დეპუტატების ინფორმაციით, ბოლო 12 თვის მონაცემების მიხედვით, ლიტვაში ინფლაციის დონე 0,6% - ს შეადგენდა (რაც გაცილებით უფრო ნაკლებია დადგენილ ზღვარზე (1,7%), სახელმწიფო ბიუჯეტის დეფიციტი 2013 წელს 2,1% მშპ (არ უნდა აღემატებოდეს 3%), ხოლო ქვეყნის მთლიანი დავალიანება - 39,4% მშპ (ზღვარი 60%-ს შეადგენს). ევროკავშირის საბჭო აღნიშნულ დადგენილებას 23 ივლისს დაამტკიცებს.