სოხუმის დაცემის 31 წლისთავთან დაკავშირებით და აფხაზეთის ომში დაღუპულთა ხსოვნის პატივსაცემად, ადმინისტრაციული ორგანოების, საგარეო საქმეთა, შინაგან საქმეთა და თავდაცვის სამინისტროების ყველა შენობაზე, ასევე, პრეზიდენტისა და პარლამენტის სასახლეებზე სახელმწიფო დროშები დაშვებულია.

დღეს, 27 სექტემბერს სოხუმის დაცემიდან 31 წელი გავიდა. 1993 წლის 27 სექტემბერს რუსეთის სამხედრო შენაერთების, ჩრდილოეთ კავკასიის კონფედერატებისა და დაქირავებული "ბოევიკების" დახმარებით, აფხაზეთის სეპარატისტულმა ძალებმა აიღეს სოხუმი. რამდენიმე დღეში კი მათ აფხაზეთის თითქმის მთელი ტერიტორია დაიკავეს.

ომს 10 000-მდე ქართველის სიცოცხლე შეეწირა, 300 ათასამდე ადამიანი კი დევნილად იქცა.


ფოტო: საქართველოს პარლამენტი