მულტიმედია
საბჭოთა ავტობუსის გაჩერებები აფხაზეთიდან კანადელი ფოტოგრაფის ალბომში (ფოტო)
კანადელმა ფოტოგრაფმა კრისტოფერ ჰერვიგმა (Christopher Herwig) ორი ფოტოალბომი გამოსცა, რომელშიც საბჭოთა პერიოდის ავტობუსის გაჩერებებია აღბეჭდილი. ამ ფოტოებს ის 12 წლის განმავლობაში აგროვებდა.
გაგრა, ფოტო: Christopher Herwig
თავდაპირველად, ამ ნაგებობების უცნაური არქიტექტურით  ხელოვანი 2002 წელს დაინტერესდა, როდესაც ევროპიდან სანკტ - პეტერბურგამდე იმოგზაურა ველოსიპედით.
ბიჭვინთა, ფოტო: Christopher Herwig
საბჭოთა ეპოქის გაჩერებებს ფოტოგრაფი 12 წლის შემდეგ ისევ დაუბრუნდა. უჩვეულო ფორმების ძიებაში მან ყოფილი საბჭოთა კავშირის 14  ქვეყანაში იმოგზაურა, შავის ზღვის სანაპიროდან ყაზახეთამდე და 30  ათასი კილომეტრი ავტომობილით, ველოსიპედით, ტაქსით და ავტობუსით გაიარა, მათ შორის - საქართველოც.
ბიჭვინთა, ფოტო: Christopher Herwig
მის ფოტოობიექტივში ოკუპირებული აფხაზეთის ავტობუსის გაჩერებები მოხვდა. მოგზაურობას სირთულეების გარეშე არ ჩაუვლია.
გაგრა, ფოტო: Christopher Herwig
„ერთხელ აფხაზეთში ტაქსის მძღოლმა მითხრა, რომ ქართველი ჯაშუში ვარ და საიდუმდლო ობიექტებს ვიღებ. მან ქრთამი მომთხოვა, წინააღმდეგ შემთხვევაში, მილიციასთან დასმენით მემუქრებოდა. ზედმეტია იმაზე საუბარი, რომ ჩემმა სიტყვებმა, რომ აფხაზეთში „ავტობუსის შესანიშნავი მოსაცდელების გადასაღებად ჩავედი“, ვერაფრით დაარწმუნა. თავი ძლივს დავაღწიე, თუმცა, სწორედ ამ პატარა დრამის და მოგზაურობის შედეგად, ჩემი კამერის მეხსიერებამ, რომელიც საცვალში დავმალე, საუკეთესო ფოტოები შემოინახა“, - წერს კრისტოფერ ჰერვიგი.
მოსაცდელი აფხაზეთში, ფოტო: Christopher Herwig
ფოტოგრაფი თვლის, რომ საბჭოთა ეპოქაში, როდესაც შენობების არქიტექტურა სტანდარტულ ჩარჩოებში იყო მოქცეული, ადამიანებმა მთელი ფანტაზია ავტობუსის გაჩერებებში ჩააქსოვეს. მისი თქმით, ისინი გამორჩეულია მრავალფეროვანი ფორმითა და დიზაინით, რომელიც ხშირ შემთხვევაში, ადგილობრივ კულტურას და ისტორიას ასახავს.
გუდაუთა, ფოტო: Christopher Herwig
პირველი ალბომი კრისტოფერ ჰერვიგმა 2015 წელს, ხოლო მეორე - 2017 წელს გამოსცა.
ბიჭვინთა, ფოტო: Christopher Herwig
კანადელი ფოტოხელოვანის კიდევ ერთი ალბომი 2019 წელს გამოიცა. მასში საბჭოთა პერიოდის მეტროსადგურების ფოტოები შევიდა, მათ შორის, თბილისის მეტროც.


Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ამავე კატეგორიაში
დღის სიახლეები
07 / აპრილი 2025
გარემოს ეროვნული სააგენტოს ინფორმაციით, 8-დან 11 აპრილამდე საქართველოში მოსალოდნელია წვიმა, ზოგან ძლიერი, მაღალ მთაში თოვლი, დასავლეთის მიმართულების ძლიერი ქარი, ზღვაზე კი 4-5 ბალიანი შტორმი.
07 / აპრილი 2025
ეკონომიკისა და მდგრადი განვითარების მინისტრის მოადგილის გურამ გურამიშვილის თქმით, ანაკლიის პორტის ამოქმედების შედეგად, საქართველოს პორტებში საკონტეინერო ტრანზიტისა და გადამუშავების უნარიანობა გაორმაგდება.
07 / აპრილი 2025
"ინდიგოს" აღმასრულებელი დირექტორის ნატა ძველიშვილის ინფორმაციით, გამოცემის ჟურნალისტს საბა სორდიას გაურკვეველი მიზეზებით იზოლატორში ყოფნის ვადა გაუგრძელეს. ამის შესახებ ძველიშვილმა ფეისბუქ გვერდზე დაწერა.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2025 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.