მულტიმედია
ახალგაზრდა თვითნასწავლი ოსტატი ურთიდან (ფოტო/აუდიო)
გიორგი ქირია თვითნასწავლი ოსტატია, ის ოჯახთან ერთად სოფელ ურთაში ცხოვრობს. რკინაზე მუშაობა ხუთი წლის წინ დაიწყო და ხელობა დამოუკიდებლად შეისწავლა.

,,თავდაპირველად ინფორმაცია ინტერნეტში მოვიძიე. გამოვცადე საკუთარი თავი, რამდენად გამომივიდოდა ეს საქმე, თავიდან ცოტა რთული იყო, მასალებს ვერ ვანსხვავებდი ერთმანეთისგან და ზომებშიც ვერ ვერკვეოდი, თან იმაზეც ვფიქრობდი, როგორ გამეცნო ჩემი საქმიანობა ადამიანებისთვის’’, - გვიყვება ახალგაზრდა ოსტატი.

თანდათან გაერკვა საქმეში და რკინის ხარისხიანად დამუშავებაც ისწავლა. დღეს უკვე რკინაზე მუშაობის საკუთარი მეთოდი აქვს. დროის დიდ ნაწილს სახლში მოწყობილ სახელოსნოში ატარებს და საკუთარი ხელით აწყობილ ჩარხზე რკინის ნივთებს, ძირითადად საყვავილეებს, სკამებს, ქოთნების სადგამებს, მინი - ბარებს და მაგიდებს ამზადებს.

,,საქმე რომ გამიადვილდეს, დანადგარები მჭირდება, ყველა ტიპის ნაკეთობაზე რომ ვიმუშაო. ჩემით ავაწყე რაღაცეები, რომ შედარებით გამიადვილდეს გარკვეული სამუშაოების გაკეთება, ძირითადი რაც არის. ერთი საშუალო სკამის მომზადებას, თუ ძალიან გადატვირთული არ არის ფორმებით, ერთი დღე, რთულ ნაკეთობას უფრო მეტი დრო და შრომა სჭირდება’’ , - ამბობს გიორგი.

ოსტატი საქორწილო დარბაზის და ბაღის დეკორაციებსაც ამზადებს. ყვება, რომ, საქმე, რომელიც ძალიან მოსწონს, შრომატევადია, თუმცა ამავე დროს, შემოსავლიანიც. როცა ძალიან ბევრი შეკვეთა აქვს, უმცროსი ძმა ბექა ეხმარება.

,,დამღლელია, მაგრამ, როცა შრომის შედეგს ვხედავ, დაღლა მავიწყდება, მე არ მინდა, რომ ეკონომიურად გამოვიდე, ჩემთვის მთავარია, რასაც ვაკეთებ, ხარისხიანი იყოს და დამკვეთს მოეწონოს. ვამზადებ ხარისხიან და სუფთა ნაკეთობებს, ეს ჩემი საქმიანობის წარმატებაა და მომიყვანა აქამდე’’, - გვითხრა მან.

მის მიერ დამზადებული ნაკეთობების ფასი 35 ლარიდან იწყება, ხოლო მაქსიმალური ზღვარი სამუშაოს სირთულესა და დამკვეთის მოთხოვნაზეა დამოკიდებული.

გიორგის თქმით, უამრავი შეკვეთა აქვს საქართველოს სხვადასხვა კუთხიდან, თუმცა, განსაკუთრებულ ინტერესს მისი ნამუშევრების მიმართ უცხოეთში მცხოვრები ქართველი ემიგრანტები იჩენენ.

‘’ქართველები, რომლებიც ცხოვრებენ საზღვარგარეთ, ძალიან ბევრს მოუცია შეკვეთა კონკრეტული ნაკეთობების, მიკვეთავენ ისინი, მე აქ ვამზადებ და ვაგზავნი კონკრეტულ მისამართზე , ძირითადად დიდი მოთხოვნაა მაგიდებზე და სკამებზე’’, - ყვება ის.

ხელოვანი საჭირო ხელსაწყოების შეძენას და ძველის განახლებას ფიქრობს, რადგან ნაკლებ დროში, უფრო მეტი შეკვეთის დამზადება მოასწროს. სამომავლოდ სახელოსნოს გაფართოებას და რამდენიმე ადამიანის დასაქმებასაც გეგმავს.


Print Email
FaceBook Twitter
დაფინანსებული
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სტატია
ამავე კატეგორიაში
დღის სიახლეები
05 / ივნისი 2025
სამეგრელოში გავრცელებული ტანსაცმლის კომპლექსების მიხედვით მეგრელები საშინაო ჩაცმულობისგან ასხვავებდნენ სადღესასწაულო და საგარეო ჩაცმულობას, რომელსაც უწოდებდნენ ,,სადიარო“/ ,,სასუმარო’’ მუკაქუნალს. იცნობენ ტანზე მოსარგები სამოსელის დანაწილების პრინციპებს: შიგნითა ,,დინახალენ ბარგი“ და ,,გარეთა ,,გალენ ბარგი“. დღევანდელ გადაცემაში აღწერილია როგორი იყო შიგნითა სამოსი ,საცვლების და გრძელი პერანგების ,,ოსარეშ“ ნიმუშები და როგორ იცვლებოდა მისი ფორმები დროთა განმავლობაში.
30 / მაისი 2025
აფხაზეთის ავტონომიური რესპუბლიკის მთავრობის ინფორმაციით, სამეგრელო-ზემო სვანეთის რეგიონში მთავრობის წარმომადგენლობის ახალ ხელმძღვანელად ირაკლი ბაღათურია დაინიშნა.
30 / მაისი 2025
2025 წლის პირველ კვარტალში (იანვარი, თებერვალი, მარტი) საქართველოს ტერიტორიაზე 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 262.4 ათასით განისაზღვრა. ამის შესახებ ინფორმაციას სტატისტიკის ეროვნული სამსახური აქვეყნებს.
დილის ჩართვა
ოდაბადეშ კინოხონი
ჩვენი თვითმმართველობა
არქივი
«« ივნისი 2025 »»
262728293031 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 123456
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.