მულტიმედია
იტალიურ სიმღერებზე შეყვარებული ყოფილი პოლიციელი ზუგდიდიდან (ფოტო/ვიდეო)
Buongiorno! Come sta? Prego, prego!
მოწესრიგებულ მეგრულ ეზოში შუახნის მამაკაცი ღიმილით გვეგებება და სახლში გვპატიჟებს. Bene, grazie, - ვპასუხობ დაზეპირებული ფრაზით და ხელს ვართმევ მასპინძელს. აქვე არიან მისი დიდი ოჯახის წევრებიც, ჩვენი დანახვა ყველას უხარია.
დავით რაფავა ყოფილი სპორტსმენი და პოლიციელია. სპეციალური დანიშნულების რაზმიც გაუწვრთნია. კარატეში სხვადასხვა მიღწევა აქვს, თუმცა, ყველაზე მეტად სიმღერა უყვარს, უფრო თუ დავკონკრეტდებით, იტალიური სიმღერები. მათ 15 წლის ასაკიდან უსმენს, ჰყავს რამდენიმე კუმირიც.
"სან რემოს ფესტივალზე ვნახე, როგორ მღეროდა ტოტო კუტუნიო. ამ დროს ვიყავი 15 წლის, ალბათ. იმ დროიდან მიყვარს იტალიური, თუმცა, ვერ ვიტყვი, რომ ენა ვიცი. ერთხელ რომ მოვუსმენ, ვიმახსოვრებ და ვასრულებ ხოლმე, მეტწილად, არც მესმის რაზეა ესა თუ ის სიმღერა, მაგრამ ჟღერადობას და განწყობას ვიჭერ. სხვები ამბობენ, რომ ძალიან კარგად გამომდის, მე ვერ შევაფასებ საკუთარ თავს", - გვეუბნება ჩვენი რესპონდენტი.
55 წლის თვითნასწავლ მომღერალს გამორჩეულად უყვარს კლაუდიო ვილლა, ლუჩანო პავაროტი, ენრიკო კარუზო, მარიო ლანცა, რობერტინო ლორეტი, ადრიანო ჩელენტანო და სხვა. მათი რეპერტუარიდან ათობით სიმღერა იცის და სიამოვნებით ასრულებს ჩვენთვისაც.
სიმღერებთან ერთად უყვარს ყველაფერი, რაც იტალიურ კულტურას უკავშირდება. გულგრილი არც სპორტის მიმართაა და წლებია, იტალიის ნაკრებს გულშემატკივრობს. ახლა ყველაზე დიდი აღფრთოვანებით ხვიჩა კვარაცხელიაზე საუბრობს და მისი წარმატებითაა ბედნიერი.
"გახარებული ვარ და ჩემს სიამაყეს საზღვარი არ აქვს, რომ კოლხი ბიჭის, ჩვენი კუთხის შვილის სახელს მსოფლიოში სკანდირებს ყველა - ხვიჩა ! ხვიჩა ! გაგიჟებულია ყველა და ეს მეამაყება. გაუმარჯოს, მინდა კიდევ უფრო დიდი წარმატება ჰქონდეს და მალე ეთქვათ, რომ მარადონაც დაჩრდილა".
ახლა დავითის ყველაზე დიდი გულშემატკივარი მისი ოჯახია - მეუღლე და 17 წლის ვაჟი. ის მეზობლების, ნათესავების და რიგითი ზუგდიდელებისთვის ხშირად ასრულებს საყვარელ სიმღერებს და ბევრ დადებით ემოციასაც იწვევს. გვეუბნება, რომ ეს მისთვის ყველაზე დიდი ჯილდოა. 
დავით რაფავას ნადირობა და თევზაობაც უყვარს. ამბობს, რომ მის ყოველდღიურობას იტალიური სიმღერები გასდევს ფონად, რის გამოც ყველა საქმე უფრო იოლად გამოსდის.
იტალიურ სიმღერებზე შეყვარებული ზუგდიდელი დათო რაფავა ოცნებობს ოჯახთან ერთად იმოგზაუროს იტალიაში და მისი საყვარელი მომღერლების სიმღერები სწორედ იმ ქალაქების ქუჩებში შეასრულოს, სადაც ისინი შეიქმნა.
მოწესრიგებულ მეგრულ ეზოში შუახნის მამაკაცი ღიმილით გვეგებება და სახლში გვპატიჟებს. Bene, grazie, - ვპასუხობ დაზეპირებული ფრაზით და ხელს ვართმევ მასპინძელს. აქვე არიან მისი დიდი ოჯახის წევრებიც, ჩვენი დანახვა ყველას უხარია.
დავით რაფავა ყოფილი სპორტსმენი და პოლიციელია. სპეციალური დანიშნულების რაზმიც გაუწვრთნია. კარატეში სხვადასხვა მიღწევა აქვს, თუმცა, ყველაზე მეტად სიმღერა უყვარს, უფრო თუ დავკონკრეტდებით, იტალიური სიმღერები. მათ 15 წლის ასაკიდან უსმენს, ჰყავს რამდენიმე კუმირიც.55 წლის თვითნასწავლ მომღერალს გამორჩეულად უყვარს კლაუდიო ვილლა, ლუჩანო პავაროტი, ენრიკო კარუზო, მარიო ლანცა, რობერტინო ლორეტი, ადრიანო ჩელენტანო და სხვა. მათი რეპერტუარიდან ათობით სიმღერა იცის და სიამოვნებით ასრულებს ჩვენთვისაც.
"გახარებული ვარ და ჩემს სიამაყეს საზღვარი არ აქვს, რომ კოლხი ბიჭის, ჩვენი კუთხის შვილის სახელს მსოფლიოში სკანდირებს ყველა - ხვიჩა ! ხვიჩა ! გაგიჟებულია ყველა და ეს მეამაყება. გაუმარჯოს, მინდა კიდევ უფრო დიდი წარმატება ჰქონდეს და მალე ეთქვათ, რომ მარადონაც დაჩრდილა".
დავით რაფავას ნადირობა და თევზაობაც უყვარს. ამბობს, რომ მის ყოველდღიურობას იტალიური სიმღერები გასდევს ფონად, რის გამოც ყველა საქმე უფრო იოლად გამოსდის.იტალიურ სიმღერებზე შეყვარებული ზუგდიდელი დათო რაფავა ოცნებობს ოჯახთან ერთად იმოგზაუროს იტალიაში და მისი საყვარელი მომღერლების სიმღერები სწორედ იმ ქალაქების ქუჩებში შეასრულოს, სადაც ისინი შეიქმნა.
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ინტერვიუ
ამავე კატეგორიაში
დღის სიახლეები
02 / აპრილი 2025
შვეიცარიული გამოცემა , Neue Zürcher Zeitung, რომელმაც ოჩამჩირედან სატელიტური სურათები მოიპოვა, ირწმუნება, რომ რუსეთი იქ საზღვაო ბაზის მშენებლობას აგრძელებს.
02 / აპრილი 2025
2025-2026 სასწავლო წლისთვის საჯარო სკოლებში პირველკლასელთა რეგისტრაციის პირველი ეტაპი, რომელიც სპეციალური საგანმანათლებლო საჭიროების მქონე ბავშვებისთვის სასურველ სკოლაში განაცხადის წარდგენას გულისხმობდა, დასრულებულია. ამის შესახებ რადიო „ათინათს“ ადგილობრივი რესურსცენტრის ხელმძღვანელმა მამუკა ბულიამ უთხრა.
02 / აპრილი 2025
ზვავსაშიშროების გამო, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ185-კმ192 (უშგული-ლასდილი) მონაკვეთზე, დროებით იზღუდება ყველა სახის ავტოტრანსპორტის მოძრაობა. ამის შესახებ ინფორმაციას საავტომობილო გზების დეპარტამენტი ავრცელებს.
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები