სტატია
ჩვენს სახლში ომი არასდროს დამთავრებულა - უკრაინაში დაღუპული აფხაზეთელი მებრძოლების ოჯახები ცხედრების მოლოდინში
უკრაინაში დაღუპული ქართველი სამხედროების ოჯახის წევრები ცხედრების მოლოდინში არიან, თუმცა, ჯერჯერობით, მათ გამოსვენებას თანამებრძოლები ვერ ახერხებენ. როგორც ოჯახის წევრები ჟურნალისტებთან ამბობენ, ახლა მათი სურვილია, რომ დასატირებლად ცხედრები ჰქონდეთ.

3 დეკემბერს დაღუპული ხუთი მეომრიდან ოთხი აფხაზეთიდან დევნილია. 41 წლის ავთო რურუა, რომელიც დევნილობის შემდეგ ზუგდიდში ცხოვრობდა, ომში, დაახლოებით, ერთი თვის წინ ჩაერთო. მონაწილეობდა აფხაზეთისა და აგვისტოს ომებშიც.

ბოლოს მეუღლეს 3 დეკემბერს გამთენიისას გაუგზავნა ხმოვანი შეტყობინება და უთხრა, რომ ძალიან უყვარს, საბრძოლველად გადის და როგორც კი მოახერხებს, დაუკავშირდება. ეს მასთან ბოლო კავშირი აღმოჩნდა.
"ჩემი ძმები იქ იბრძვიან და ვჭირდებიო, მითხრა, დაახლოებით, თვენახევრის წინ და წავიდა. მებრძოლი ხასიათის იყო. აფხაზეთის ომის დროს სულ პატარა იყო, მაგრამ როგორც შეეძლო, ისე იბრძოდა. აგვისტოს ომშიც მონაწილეობდა. ასე ამბობდა, ჩემი შვილების მომავლისთვის ვიბრძვიო, ეუბნებოდა ყველას", - ჰყვება ავთო რურუას ცოლი ელმირა კვარაცხელია.

დევნილობის შემდეგ ჩხოროწყუში დასახლდა 55 წლის რომეო ფიჩხაია. სოხუმიდან დევნილი მეომარი უკრაინაში ომის დაწყების პირველივე დღეებიდან წავიდა. მისი და ამბობს, რომ მათ სახლში ომი არასდროს შეჩერებულა.
"90-იან წლებში პირველი ტყვიის გასროლის შემდეგ ქვეყნის სადარაჯოზეა, სამჯერ დაიჭრა აფხაზეთის ომში... ახლა ამბობდა, ბავშვები იხოცებიან და მე რა გამაჩერებს, გამოცდილება მაქვს და დავეხმარებიო... ჩვენს სახლში ომი არ დამთავრებულა, დღემდე ომის ქარცეცხელში ვართ და ახლა ცხედარიც სანატრელია", - დასტირის ძმის ფოტოებსა და ტანსაცმელს ჯულიეტა კვარაცხელია.


ორივე შვილი რუსეთის აგრესიასა და თავდასახმას შესწირა როლანდ კვარაცხელიამ. პირველი შვილი აფხაზეთის ომში დაეღუპა. მისი სეხნია, 49 წლის წლის როლანდი კი თანამებრძოლებთან ერთად ოკუპანტებს უკრაინაში ემსხვერპლა.

როლიკოც აფხაზეთის ომის მონაწილეა. მისი  ოჯახი ახლა ფოთში ცხოვრობს. 
"ორი შვილი მყავდა და ორივე ომში მომიკვდა. ომის შუა პერიოდში იყო ჩამოსული და რომ მიდიოდა, მითხრა, სხვაგან მივდივარ, უკრაინაში არაო. ისევ წავიდა... ველოდებით ინფორმაციებს. ერთი შვილის საფლავზე, წლებია, ვერ ჩავდივარ, რადგან აფხაზეთშია....", - ამბობს დაღუპული მებრძოლების მამა. 


მათთან ერთად 3 დეკემბერს ბახმუტთან, რუსების სარაკეტო თავდასხმას ემსხვერპლა ოჩამჩირელი ბადრი მარკელია და კიდევ ერთი ქართველი მებრძოლი მერაბ ალადაშვილი.  ახლა მათი თანამებრძოლები დაღუპული გმირების ცხედრების გამოსვენებას ცდილობენ. 

სულ ომის დაწყებიდან დღემდე რუსეთის აგრესიას უკრაინაში 33 ქართველი მეომარი შეეწირა.



Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ამავე კატეგორიაში
დღის სიახლეები
03 / აპრილი 2025
სამეგრელოში სანეფო სუფრისთვის, ქორწილის წინა დღეს ,,სარიტუალო პურს და ჭვიშტარს“ აცხობდნენ,რომლებიც სპეციალური დანიშნულების იყო. რიტუალური პურების დაცხობა ყველას როდი შეეძლო. მთელს ,,სამოხიოში“ რამდენიმე ქალი თუ იქნებოდა ამ საქმეში დახელოვნებული, რის გამოც მათ დიდი პატივით ეპყრობოდნენ. დღევანდელ გადაცემაში აღწერილია როგორ მზადდებოდა, რამდენი სახის პური ცხვებოდა და რა იყო ამ ტრადიციის მთავარი აზრი.
03 / აპრილი 2025
რუსეთიდან სოხუმის აეროპორტში რეგულარული საჰაერო მიმოსვლა 1 მაისს განახლდება. ამის შესახებ TASS-ს რუსეთის პრეზიდენტის ადმინისტრაციის უფროსის მოადგილემ სერგეი კირიენკომ განუცხადა.
03 / აპრილი 2025
ოკუპირებული აფხაზეთის ახლად არჩეული ე.წ. პრეზიდენტის „ინაუგურაციას“, რომელიც 2 აპრილს გაიმართა, რუსეთის პრეზიდენტის ადმინისტრაციის უფროსის პირველი მოადგილემ სერგეი კირიენკო ესწრებოდა.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2025 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.