საქართველოს პარლამენტის წევრ როლანდ ახალიას სასამართლომ აღმკვეთი ღონისძიების სახით 10 000 ლარი შეუფარდა. როლანდ ახალიას ადვოკატმა რომეო საჯაიამ განაცხადა,რომ პროკურატურა გირაოს სახით 50 000 ლარს ითხოვდა, თუმცა, სასამართლომ პროკურატურის მოთხოვნა არ დააკმაყოფილა და როლანდ ახალიას გირაოს სახით 10 000 ლარი შეუფარდა. მთავარმა პროკურატურამ სამსახურებრივი უფლებამოსილების გადამეტების მუხლით, 11 აპრილს პარლამენტის წევრს როლანდ ახალაიას ბრალდება წარუდგინა. გამოძიების ინფორმაციით: 2009 წლის დეკემბერში სამეგრელო-ზემო სვანეთის საოლქო პროკურორი როლანდ ახალაია, შეხვდა მოქალაქე მარინა ესებუას.ახალაიამ მის მეუღლესთან, მსჯავრდებულ კახაბერ ლატარიასთან საპროცესო შეთანხმების გაფორმების სანაცვლოდ, ესებუას ,თითქოსდა ქველმოქმედების მიზნით, არარსებული "ანაკლიის განვითარების ფონდის"ანგარიშზე ჩაარიცხინა 150 000 ლარი, რისთვისაც გადასცა საბანკო რეკვიზიტები. რეკვიზიტები რეალურად წარმოადგენდა როლანდ ახალაიას ახლობელი ბიზნესმენის სერიოჟა გვარამიას კუთვნილ კერძო კომპანია "სანის" საბანკო ანგარიშის რეკვიზიტებს.