პომოდვრით დატვირთული მანქანა „როსსელხოზნადზორს“ ბელორუსში გაეპარა
მძღოლი, რომელსაც 1,5 ტნ პომიდორი ბელორუსიდან რუსეთში ფსკოვის საბაჟო პუნქტის გავლით გადაჰქონდა, ბელორუსის ტერიტორიაზე მას შემდეგ მიიმალა, რაც შეიტყო, რომ „როსსელხოზნადზორი“ მისი ტვირთის განადგურებას გეგმავდა. „როსსელხოზნადზორის“ განცხადების თანახმად, მას შემდეგ, რაც აღიშნული ტვირთის შეფუთვებზე მარკირება არ აღმოჩნდა, მისი ამოღება და განადგურება გადაწყდა, რის შემდგ, მძღოლმა მანქანა ბელორუსის ტერიტორიაზე გადაიყვანა.
რუსეთის ფედერაციაში შესატანად აკრძალული პროდუქციის განადგურების შესახებ ვლადიმირ პუტინის მიერ ხელმოწერილი ბრძანება დღეიდან შედის ძალაში. ოთხშაბათს „როსსელხოზნადზორის“ ხელმძღვანელმა სერგეი დანკვერტმა რამდენიმე ასეული ტონა ამოღებული პროდუქციისს განადგურება დაანონსა. ამავე დროს, ინტერნეტში გავრცელებულმა პეტიციამ, რომელიც ახალი პრუდუქტების განადგურების ნაცვლად, მათი უმწეო ოჯახებისა და მოქალაქეებისათვის გადაცემას ითხოვს, 200 ათასზე მეტი ხელმოწერა მოაგროვა. 2014 წელს რუსეთმა ემბარგო დააწესა იმ ქვეყნებიდან იმპორტირებულ კვების პროდუქტებზე, რომლებმაც ყირიმის ანექსიისა და უკრაინის აღმოსავლეთით კონფლიქტის დაწყების გამო სანქციები დაუწესეს.
მასალის გამოყენების პირობები