თბილისში სოციალურად დაუცველი ოჯახები კომპენსაციას მიიღებენ
თბილისში სოციალურად დაუცველი ოჯახები, ელექტროენერგიის ტარიფის კორექტირებასთან დაკავშირებით ოქტომბერში წარმოქმნილი ხარჯების კომპენსირების მიზნით, 21 ოქტომბრიდან, თბილისის მერიისგან დამატებით ფულად დახმარებას მიიღებენ.
თბილისის მერიის ინფორმაციით, ოჯახებს რომელთა სარეიტინგო ქულა თბილისში სოციალურად დაუცველი ოჯახების მონაცემთა ერთიან ბაზაში 70 000-ს არ აღემატება, თანხა საბანკო ანგარიშზე ჩაერიცხებათ. დღეისათვის დედაქალაქში ასეთი 35 415 ოჯახია და მთლიანობაში მათ დამატებითი ფულადი დახმარების სახით 424 980 ათასი ლარი ჩაერიცხებათ.
აღნიშნული კომპენსაციის გარდა, ისინი ნოემბერ-დეკემბერში კომუნალური ხარჯებისთვის თვეში 100 ლარის ოდენობით დახმარებას მიიღებენ, როგორც ეს მიმდინარე წლის იანვარ-მარტში განხორციელდა.
მასალის გამოყენების პირობები