გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსი სვეტლანა ნიორაძემ აცხადებს, რომ დღეს საქართველოს უმეტეს რაიონში იწვიმებს და დღის მეორე ნახევარში ქარი გაძლიერდება, მათ შორის თბილისშიც. ქარის სიჩქარე წამში 17-22 მეტრი იქნება.

მისივე განმარტებით, საქართველოში ნალექი ხვალაც შენარჩუნდება, მთაში კი თოვაა მოსალოდნელი, ზოგან თოვლჭყაპი. ქვეყნის მთელს ტერიტორიაზე ცივი ჰაერის მასების გავრცელების გამო დასავლეთ საქართველოშიც და აღმოსავლეთ საქართველოში მაქსიმალური ტემპერატურა დღისით 5-10 გრადუსის ფარგლებში იქნება. ასევე, ქვეყნის მთელს ტერიტორიაზე იქროლებს ქარი, რომლის სიჩქარე წამში 20-25 მეტრი იქნება, მაღალ მთაში კი მოსალოდნელია ქარბუქი. 

30-31 მარტს კი ამინდი შედარებით გაუმჯობესდება. ნალექი ქვეყნის ზოგიერთ რაიონში შენარჩუნდება, მთაში კი კვლავ ითოვებს. დღისით ჰაერის მაქსიმალური ტემპერატურა საქართველოში 9-14-ის გრადუსის ფარგლებში იქნება.

1-2 აპრილს ქვეყნის მთელს ტერიტორიაზე ნალექი შეწყდება და დათბება. ტემპერატურა მოიმატებს და დღისით 16-21 გრადუსის ფარგლებში იქნება.

სინოპტიკოსები 3 აპრილიდან კვლავ ამინდის გაუარესებას პროგნოზირებენ.