მიმდინარე წლის ნოემბრის თვეში დევნილთათვის საცხოვრებელი სახლების გადაცემასთან დაკავშირებით აჭარისა და სამეგრელო-ზემო სვანეთის ლტოლვილთა სამმართველოში სპეციალური აპლიკაციების მიღების პირველი ეტაპი დასრულდა. გასულ თვეს საცხოვრებელი სახლის მოთხოვნაზე სულ 448 აპლიკაცია იქნა შევსებული. როგორც რადიო "ათინათთან" საუბარში დევნილთა რეგიონალური სამმართველოს უფროსი ირაკლი ქოჩუა აცხადებს, პირველი ეტაპი ზუგდიდის ყოფილი სააფთიაქო სამმართველოს რეაბილიტირებულ შენობაში ჩასახლებულ 75 ოჯახს ეხებოდა. თუმცა აქვე დასძენს რომ ამ დროისთვის დევნილთა სამმართველოში სულ 448 აპლიკაციაა საცხოვრებელი სახლის მოთხოვნით შემოსული. "შემოსულ განცხადებებს სპეციალური კომისია გადაამოწმებს და თვის ბოლოს გახდება ცნობილი თუ რომელი ოჯახი დაკმაყოფილდება საცხოვრებელი სახლით", -განაცხადა რადიო "ათინათთან" საუბარში ქოჩუამ. რადიო "ათინათის" კითხვაზე ითხოვენ თუ არა დევნილები კერძო სახლების შეძენას? ქოჩუას განცხადებით ზემოაღნიშნულის მოთხოვნით ამ დროისთვის სულ 200-მდე განაცხადია შემოსული თითოეული სახლი 10 000 დოლარამდეა შეფასებული.ეს სახლები ჯერ დევნილთა სამინისტრომ უნდა შეისყიდოს და შემდეგ მოხდება მათი დევნილებისთვის გადაცემა და დაკანონება რაც სავარაუდოდ წლის ბოლომდე დასრულდება"",- განაცხადა ქოჩუამ. აქვე ქოჩუა დასძენს, რომ საცხოვრებულ სახლების გადაცემა დევნილთათვის სხვადასხვა კრიტერიუმებით და ქულების დაჯამებით მოხდება.