სამეგრელო-ზემო სვანეთის რეგიონის მცირე და საშუალო მეწარმეებს აშშ საერთაშორისო განვითარების სააგენტოს (USAD) პროგრამა გააცნეს. შეხვედრა ზუგდიდის მუნიციპალიტეტის საკრებულოს სხდომათა დარბაზში აშშ საერთაშორისო განვითარების სააგენტოს (USAD) ინიციატივითა და სამეგრელო-ზემო სვანეთის ადმინისტრაციის რეგიონალური პროექტების კოორდინირების სამსახურის ორგანიზებით დღეს, 6 თებერვალს გაიმართა. როგორც შეხვედრაზე ითქვა, პროექტი წარმოადგენს ხუთ წლიან პროგრამას და მისი მიზანია: სოფლად შემოსავლების ზრდა, სამუშაო ადგილების შექმნა, აგრობიზნესში ინვესტორების მოზიდვა და ტექნიკური დახმარების უზრუნველყოფა. აღნიშნული პროგრამის ფარგლებში გაიცემა სულ 120 გრანტი. ჯამში 6 მილიონი დოლარის ოდენობით და მოზიდულ იქნება სულ მცირე 14 მილიონი დოლარის თანადაფინანსება სესხის სახით. აშშ საერთაშორისო განვითარების სააგენტოს წარმომადგენლების განმარტებით, პროექტის ფარგლებში დამატებით 700 საწარმო მიიღებს ტექნიკურ დახმარებას და ამასთან, პროექტი სარგებლობას მოუტანს სულ მცირე 150 000 ადამიანს, მათ შორის 37 500 ქალს. შეხვედრას ესწრებოდნენ სამეგრელო-ზემო სვანეთში სახელმწიფო რწმუნებულის წარმომადგენლები, რეგიონში არსებული მცირე და საშუალო მეწარმეები და მოწვეული სტუმრები.