რამდენიმე თვეში სასწრაფო სამედიცინო დახმარების ცენტრებს ახალი რეანომობილები ეყოლებათ
საქართველოს შრომის, ჯანმრთელობისა და სოციალური დაცვის სამინისტროს მიერ საქართველოს ყველა რეგიონისთვის 220 ახალი რეანომობილის შესაძენად გამოცხადებული ელექტრონული ტენდერი ჩაიშალა. როგორც სამინისტროს საგანგებო სიტუაციათა კოორდინაციისა და რეჟიმის დეპარტამენტის უფროსმა ზურაბ უტიაშვილმა რადიო "ათინათს" განუცხადა, ახალი რეანომობილები ყველა სამედიცინო დაწესებულებას 5-6 თვეში ეყოლება. სანამ ჯანდაცვის სამინისტრო რეგიონებისთვის ახალ რენომობილებს შეიძენს, ზუგდიდის მუნიციპალიტეტში შემავალი 33 სოფელი 6 სასწრაფო დახმარების მანქანის იმედზეა დარჩენილი, რეგიონის მოსახლეობა ხშირად გამოთქვამს უკმაყოფილებას სამედიცინო სასწრაფო დახმარების დაგვიანების გამო.
სასწრაფო სამედიცინო დახმარების სამსახურის უფროსი, მარინა წულეისკირი რადიო "ათინათთან" საუბარში აღნიშნავს, რომ გავრცელებული ვირუსული ეპიდემიების გამო გამოძახებების რაოდენობამ იმატა, მისივე თქმით არის ისეთი შემთხვევებიც როცა გამოძახების შემთხვევაში რეგიონში მობილიზებული ყველა ბრიგადა გასულია, ამიტომ ვერ ხერხდება მოქალაქეებისთვის სასწრაფო დახმარების დროული ამღმოჩენა. იგი ასევე აღნიშნავს, რომ ხშირია ცრუ გამოძახებების შემთხვევაც.
ცნობისთვის, ჯანდაცვის სამინისტროს მოთხოვნით, რეგიონებისთის განკუთვნილი სასწრაფო დახმარების მანქანები უნდა იყოს მაღალი გამავლობის, 2013-1014 წლებში გამოშვებული. თითოეული ავტომობილი აღჭურვილი იქნება საკაცით, სხვადასხვა სათავსოებით, სამაგრით, ექიმის სავარძლით, საკაცითა და სხვა სპეციფიკური მოწყობილობებით.
ახალ მანქანებს უნდა ჰქონდეს წინა და უკანა სალონების გათბობისა და გაგრილების, ასევე, ვენტილაციის სისტემა. სატენდერო დოკუმენტაციის მიხედვით, შემსყიდველმა ჯანდაცვის სამინისტროს სასწრაფო დახმარების ახალი ავტომობილები ხელშეკრულების გაფორმებიდან 5 თვეში უნდა მიაწოდოს, აქედან, ავტომობილთა 50% 2014 წლამდე უნდა იყოს შემოყვანილი.
მასალის გამოყენების პირობები