„სამეგრელოს ხმის“ ლიდერის თენგიზ ჯგუშიას ბრალდების საქმეზე სასამართლო პროცესი გრძელდება. ჯგუშიას საქმეზე დღეს, 5 მარტს ზუგდიდის რაიონულ სასამართლოში ბრალდების 2 მოწმე იყო დაბარებული. ბრალდების მხარის მოწმეებს სამეგრელო-ზემო სვანეთის სამხარეო სამმართველოს დეტექტივი ჯონი ბაგათელია და ზუგდიდის მუნიციპალიტეტის გამგეობის თანამშრომელი თენგიზ ქობალია წარმოადგენდნენ, თუმცა დღეს გამართულ სხდომაზე მხოლოდ ერთი მოწმის ჯონი ბაგათელიას დაკითხვა მოხერხდა. თენგიზ ქობალია კი სხდომაზე სამსახურეობრივო მოვალეობების გამო ვერ გამოცხადდა. ჯგუშიას საქმეზე შემდეგი სასამართლო პროცესი მიმდინარე წლის 24 მარტს, 12:00 სთ-ზე ჩაინიშნა. შეგახსენებთ, რომ არსებული ინფორმაციით არსებული 2013 წლის 8 აგვისტოს ყოფილმა პარლამენტარმა, ორგანიზაცია “სამეგრელოს ხმის” დამფუძნებელმა, თენგიზ ჯგუშიამ ზუგდიდის მუნიციპალიტეტის გამგებლის მოადგილის მოვალეობის შემსრულებელს, მერაბ ქვარაიას ცეცხლსასროლი იარაღიდან ესროლა. ქვარაია და ჯგუშია სუფრაზე ერთად სოფელ რიყეში იმყოფებოდნენ. მოგვიანებით კი, მათ ნასვამ მდგომარეობაში ერთმანეთს სიტყვიერი და ფიზიკური შეურაცხყოფა მიაყენეს, რასაც ჯგუშიას მხრიდან გასროლა მოჰყვა. მერაბ ქვარაიას დაზიანებები არ მიუღია. სამართალდამცველებმა შემთხვევის ადგილიდან იარაღის მასრებიც ამოიღეს