მარტვილის მუნიციპალიტეტ სოფელ ვედიდკარის მოსახლეობა იტალიური კომპანია "აგრიჯორჯიას" წინააღმდეგ საპროტესტო  აქციას მართავს. როგორც აქციის მონაწილეები აცხადებენ,  "აგრიჯორჯიამ" 50-ჰრექტრამდე მისწის ნაკვეთი უკანონოდ შეისყიდა. როგორც რადიო „ათინათს“ აქციის მონაწილეებმა განუცხადეს, ადგილზე მობილიზებულია პოლიცია, რომლებიც მათ „აგრიჯორჯიას“ კუთვნილ მიწასთან მიახლოების საშუალებას არ აძლევს. სოფელ ვედიდკარის ტერიტორიული ორგანოს რწმუნებულის გულთაზ ცანავას განცხადებით, მოსახლეობის მოთხოვნა სამართლიანია და სოფელს საძოვრები უნდა დაუბრუნდეს. „წინასწარ ჩემთვის არავის არ უთქვამს, რომ მიწის ნაკვეთების გაყიდვა იგეგმებოდა. მოსახლეობის ერთადერთი შემოსავლის წყარო საძოვრები იყო. მათი მოთხოვნა, ვფიქრობ სამართლიანია“, - აცხადებს გულთაზ ცანავა. ვედიდკარის მოსახლეობის თქმით, ეკონომიკის სამინისტრომ საძოვრები 2012 წლის საპარლამენტო არჩევნებამდე გაყიდა. რადიო "ათინათი"  აღნიშნულ კომპანიასთან დაკავშირებას რამდენჯერმე შეეცადა მაგრამ უშედეგოდ.