ზუგდიდში ტუბერკულოზის მსოფლიო დღესთან დაკავშირებით „სამოქალაქო განათლებისა და პედაგოგთა გადამზადების“ პროექტის ფარგლებში , ქართულ -ფრანგული სკოლის, სამოქალაქო კლუბის ახალგაზრდებმა,ტუბ დისპანსერში ავადმყოფები მოინახულეს და საჩუქრად ჰიგიენური ნივთებისა და კვების პროდუქტების ნაკრები გადასცეს.

როგორც რადიო „ათინათთან“ საუბარში „სამოქალაქო განათლებისა და პედაგოგთა გადამზადების „პროგრამის ,სოციალური მედიის კოორდინატორმა სალომე გარდავამ აღნიშნა, ტუბერკულოზის საერთაშორისო დღესთან დაკავშირებით სამოქალაქო კლუბის ახალგაზრდებმა სხვადასხვა ინიციატივები განახორციელეს, როგორც სალომე გარდავა განმარტავს, სამი დღის განმავლობაში,მოსწავლეებმა საზოგადოებას ბუკლეტები დაურიგეს, ასევი ნაჩვენები იქნა თემატური ფილმი. 25 მარტს სამოქალაქო კლუბ „პროექტორის“ ინიციატივით ასოციაცია „ათინათში“ ჩატარდა შეხვედრა ექიმთან, ქალბატონ თამარ ხაბურზანიასთან. სხვადასხვა კლუბების 18 წევრი დაესწრო საინტერესო სემინარს ტუპერკულოზის შესახებ. მოსწავლეებმა კომპეტენტური ადამიანისგან მიიღეს დაწვრილებითი ინფორმაცია ამ ინფექციის გადადების გზების, გავრცელების და მკურნალობის შესახებ. ასევე მათ ჰქონდათ შესაძლებლობა მათთვის საინტერესო კითხვებზე მიეღოთ პასუხები. 26 მარტს პრინც მიურატის სახელობის ქართულ–ფრანგული კოლეჯის სამოქალაქო კლუბ „Salut“ ინიციატივით სხვადასხვა სამოქალაქო კლუბების 15 წევრი ტუბერკულოზის ბრძოლის დღესთან დაკავშირებით ესტუმრა ზუგდიდის ტუბდისპანსერს. კლუბის წევრებმა მოიკვლიეს რომ 25 პაციენტი გადიოდა სტაციონალურ მკურნალობას და საჭიროებდნენ ჰიგიენის ნივთებს და რძის ნაწარმსს. კლუბის წევრებმა საჩუქრები გადასცეს ყველა პაციენტს და უსურვეს გამოჯანმრთელება. როგორც პაციენტება აღნიშნეს მათ ძალიან სჭირდებათ საზოგადოების ყურადღება და მადლობა გადაუხადეს ბავშვებს თანადგომისთვის. როგორც ტუბდისპანსერის უფროსმა ბატონმა ზაზა დგებუაძემ აღნიშნა, ძალიან სასიამოვნოა მსგავსი აქციები პაციენტებისთვის: „მადლობა ბავშვებს, რომ აქვთ მსგავსი ინიციატივები და ფიქრობენ ადამიანებზე, რომლებსაც სჭირდებათ მათი დახმარება, ისინი მომავალში ნამდვილ მოქალაქეებად ჩამოყალიბდებიან“ ღონისძიებების პარალელურად საინფორმაციო ბუკლეტები ბევრმა სკოლამ გაავრცელა და ასევე ჩატარდა სემინარები. ცნობისთვის, ტუბერკულოზის მსოფლიო დღე ყოველწლიურად 24 მარტს აღინიშნება. 1882 წლის 24 მარტს რობერტ კოხმა აღმოაჩინა ტუბერკულოზის გამომწვევი ბაცილა, რამაც შესაძლებელი გახადა ტუბერკულოზის დიაგნოსტირება და მკურნალობა. ტუბერკულოზის მსოფლიო დღის ისტორია 1982 წლიდან იწყება, როდესაც ტუბერკულოზისა და ფილტვის დაავადებების წინააღმდეგ ბრძოლის საერთაშორისო კავშირმა, კოხის აღმოჩენის 100 წლისთავთან დაკავშირებით, 24 მარტი ტუბერკულოზის მსოფლიო დღედ გამოაცხადა.