იუსტიციის სამინისტროს წარმომადგენლებმა ზუგდიდში ღია მმართველობის შესახებ შეხვედრა გამართეს
საქართველოს იუსტიციის სამინისტროს ორგანიზებით ზუგდიდის დემოკრატიული ჩართულობის ცენტრში დღეს, 29 მარტს ღია და მონაწილეობითი საჯარო მმართველობის შესახებ შეხვედრა გაიმართა.
კონსულტაციები მიზნად ისახავს საზოგადოებისთვის ინფორმაციის მიწოდებას მომდევნო 2 წლის მანძილზე მთავრობის მიერ დაგეგმილი იმ ღონისძიებების შესახებ, რაც გამჭვირვალე და ღია მმართველობის უზრუნველყოფას ემსახურება.
„ღია მმართველობა საქართველოს“ ეროვნულმა კოორდინატორმა ქეთი ცანავამ მედიასთან საუბარში აღნიშნა, რომ შეხვედრის მიზანია საზოგადოების მოსაზრებების, იდეების შეკრება, რათა მთავრობის სამოქმედო გეგმა და გაწერილი ღონისძიებები პასუხობდეს და შეესაბამებოდეს მოქალაქეთა საჭიროებებს.
მისივე თქმით საჯარო კონსულტაციები საქართველოს მასშტაბით ხორციელდება. შეხვედრები „ღია მმართველობის პარტიორობის“ ფარგლებში იმართება, რომლის წევრიც საქართველო 2011 წელს გახდა.
„საერთაშორისო გამჭვირვალობა საქართველოს“ ანალისტიკოსმა არჩილ თოდუამ აღნიშნა, რომ ღია მმართველობის დამკვიდრება ძალიან მნიშვნელოვანია, რადგან ყველა მოქალაქეს უნდა მიუწვდებოდეს ხელი საჯარო ინფომაციაზე. მისივე თქმით ასევე აუცილებელია პროაქტიულად გამოსაქვეყნებელი ინფორმაციის ნუსხის ვალდებულება თვითმმართველობებზეც გავცელდეს, რადგან მოსახლეობის კომუნალური მომსახურების პირველად საჭიროებებს, სწორედ თვითმმართველობები უზრუნველყოფენ.
მასალის გამოყენების პირობები