2 ივნისს, საქართველოს რამდენიმე ქალაქში მარიხუანას დეკრიმინალიზაციის მოთხოვნით აქციები გაიმართება.გამართულ ბრიფინგზე საინიციატივო ჯგუფის წევრებმა განაცხადეს,რომ ამ მოთხოვნით თბილისის გარდა აქციის გამართვა იგეგმება ასევე ბათუმში, ქუთაისსა და ზუგდიდში. თბილისში აქცია საღამოს, 18:00 საათზე, მთავრობის კანცელარიასთან დაიწყება და დაახლოებით 2 საათის განმავლობაში გაგრძელდება, რადგან აქციაზე მისვლა მოახერხონ იმ ადამიანებმა, რომლებიც მუშაობენ. აქციაზე სიტყვით გამოსვლები არ იქნება და მარიხუანას დეკრიმინალიზაციის მოთხოვნით შეკრებილი მოქალაქეები საკუთარ პოზიციას მხოლოდ ტრასფარანტებით და პლაკატებით დააფიქსირებენ. საინიციატივო ჯგუფის წევრების განცხადებით, შარშან, 2 ივნისს ჩატარებული აქციის შემდეგ, არსებობდა იმედი, რომ ხელისუფლება ქმედით ნაბიჯების გადადგამდა საკუთარი დაპირების შესასრულებლად, თუმცა, ეს ასე არ მოხდა. "გრძელდება იმ ადამიანების დევნა, დაპატიმრება და შეურაცხყოფა, რომელთა ერთადერთ დანაშაულს წარმოადგენს ის, რომ ისინი მარიხუანას მომხმარებლები არიან", - განაცხადეს საინიციატივო ჯგუფის წევრებმა. მათივე აზრით, მარიხუანას მოხმარებისთვის ადამიანების ციხეში ჩასმა დაუშვებელია.