დღეს,„ერთიანი ნაციონალური მოძრაობის“ ზუგდიდის საარჩევნო შტაბის წარმომადგენლებმა, ზეწოლის ფაქტებთან დაკავშირებით, საგანგებო ბრიფინგი გამართეს. საარჩევნო შტაბის ხელმძღვანელის ლაშა დამენიას განმარტებით, რუსეთის ფედერაციიდან ჩამოყვანილია კრიმინალური წარსულის მქონე პირები, რომლებიც ღამის საათებში ავტომანქანებით მოძრაობენ და "ნაციონალური მოძრაობის" მხარდამჭერებზე  ზეწოლას ახდენენ. „ეს ადამიანები დაკავებულები არიან ქუჩური გარჩევებით და ფსიქოლოგიურ ზეწოლაა ახდენენ ჩვენს მომხრეებზე. ღამის 2 საათზე გამოდის 5 ავტომანქანა, BMW X 5, OPEL ASTRA, SUZUKI, GOLF4 , A HONDA, რომლებიც მოძრაობენ ერთად, დაყვებიან ჩვენს აქტივისტებს და  მათ შეურაცხყოფას აყენებენ. სამართალდამცავებს მოვუწოდებ, მიიღონ გადამჭრელი ზომები, სანამ ზუგდიდში მკვეთრად დაიძაბება ვითარება“, - აცხადებს ლაშა  დამენია. დამენია, ჯერჯერობით აღნიშნული ავტომანქანების სერიული ნომრების დასახელებისგან თავს იკავებს. ამასთან, "ნაციონალური მოძრაობის" წარმომადგენლები ფარულ სატელეფონი ზარებზე საუბრობენ, რომელიც მათივე თქმით, თვითმმართველობის არჩევნებში მონაწილე 15 კანდიდატზე ერთდროულად განხორციელდა. აღნიშნულ ფაქტებთან დაკავშირებით, ყოფილი მმართველი პარტიის წარმომადგენლები სამართალდამცავ ორგანოებს  საქმის გამოძიებისკენ მოუწოდებენ.