არასაპარლამენტო ოპოზიციის მერობის კანდიდატმა წინასაარჩევნო პროგრამა წარმოადგინა (video)
ზუგდიდის დემოკრატიული ჩართულობის ცენტრში საარჩევნო სუბიექტებთან მედია ცენტრის შეხვედრები დაიწყო.
მედიის წარმომადგენლებს საარჩევნო პროგრამა, პირველმა" არასაპარლამენტო ოპოზიცია - კუკავა-ჩიხრაძის" ზუგდიდის მერობის კანდიდატმა ირაკლი ღურწკაიამ გააცნო. კანდიდატმა პრიორიტეტებზე გაამახვილა ყურადღება და ჟურნალისტების მიერ დასმულ შეკითხვებს უპასუხა.
ღურწკაიას საარჩევნო პროგრამაში პირველი ადგილი ზუგდიდის ინტელექტუალურ კაპიტალს უჭირავს, კანდიდატი მიიჩნევს, რომ საჯარო სამსახურებსა და მმართველ ორგანოებში თანამდებობეს უნდა იკავებდნენ პროფესიონალი და განათლებული კადრები. მეორე ადგილს დემოკრატიის განვითარება იკავებს, რაც ღურწკაის განმარტებით თვითმართველობაში საზოგადოების აბსოლუტურ ჩართულობას გულისხმობს და საზოგადოებასა და თვითმმართველ ორგანოებს შორის ურთიერთ პასუხისმგებლობის ვექტორის არსებობას ისახავს მიზნად.
ასევე პრიორიტეტულ ადგილს იკავებს ქალაქის ფინანსური კაპიტალის ათვბისება, რაც კანდიდატის აზრით, ყველაზე მწვავე და პრობლემური საკითხია. მისი თქმით, თითეული ზუგდიდელი უნდა იყოს ჩართული ფინანსური რესურსების განაწილებაში და ხარჯვის პროცესში. ასევე პრიორიტეტული ადგილი უჭირავს გარემოს დაცვითი და უკანონო კაპიტალის ათვისებაც. „ზუგდიდი პირველ რიგში უნდა გახდეს ეკოლოგიურად სუფთა და უსაფრთხო ქაალქი“-აღნიშნა ირაკლი ღურწკაიამ. მან მედიის შეკითხვებსაც უპასუხა და ქალაქსა და რაიონს შორის თანხების სწორად გადანაწილებაზე ისაუბრა, იგი მიიჩნევს, რომ სხვადასხვა ღონისძიებების გატარების შემდეგ, 1მილიონ 800 ათასი ლარის გამოთავისუფლება გახდება შესაძლებელი.
მასალის გამოყენების პირობები