ზუგდიდის საკრებულოს თავმჯდომარედ 12 ხმით 3-ის წინააღმდეგ მერაბ ქვარაია აირჩიეს. ასევე, 12 ხმით 3-ის წინააღმდეგ, ქალაქის საკრებულოს თავმჯდომარის მოადგილედ გიორგი თოდუა აირჩა. "ქართული ოცნების" საკრებულოს თავმჯდომარისა და მოადგილის კანდიდატურებს მხარი არ დაუჭირეს "ნაციონალური მოძრაობის დეპუტატებმა. ყოფილი მმართველი პარტიის წარმომადგენლების თქმით, "ქართული ოცნების" კანდიდატებს მხარი პარტიული შეხედულებებიდან გამომდინარე არ დაუჭირეს,თუმცა აქვე აღნიშნეს,რომ ისინი მათ წარმატებებს უსურვებენ. რაც შეეხება კიდევ ერთ დეპუტატს ოპოზიციური პარტიიდან, თენგიზ ხარჩილავა ("ბურჯანაძე-ერთიანი ოპოზიციიდან“) რომელიც, როგორც უხუცესი წევრი სხდომას უძღვებოდა, განაცხდა, რომ მან მხარი დაუჭირა "ქართული ოცნების" კანდიდატებს. თუმცა აღნიშნა, რომ მისი ხმა "ქართული ოცნების" კანდიდატების მიმართ არის ერთგვარი "ავანსი" და შეცდომის დაშვების შემთხვევაში მათ მკაცრად გააკრიტიკებს. ცნობისთვის,ქალაქის მუნიციპალიტეტის საკრებულოში 15 დეპუტატია,5 მაჟორიტარი დეპუტატი კოალიცია"ქართული ოცნებიდან", 3 დეპუტატი-"ერთიანი ნაციონალური მოძრაობის" პროპორციული სიით, ხოლო 1 დეპუტატი- კოალიციიდან „ნინო ბურჯანაძე - ერთიანი ოპოზიცია“.