სააუქციონო სახლმა Sotheby’s-მა და ინტერნეტ-აუქციონმა eBay-მა შეთანხმება გააფორმეს, რომელიც eBay-ს მომხმარებლებს საშუალებას მისცემს ხელოვნების ნიმუშებით ვაჭრობაში მიიღონ მონაწილეობა, როცა Sotheby’s-ი ნიუ-იორკში აუქციონებს გამართავს. შემოდგომიდან, Sotheby’s-ს აუქციონების უმრავლესობა ნიუ-იორკის შტაბ-ბინიდან პირდაპირ ეთერში იქნება ტრანსლირებული eBay-ს ახალ სპეციალურ განყოფილებაში. ორ აუქციონს შორის თანამშრომლობა, eBay-ს 145 მლნ მომხმარებელს ვაჭრობასთან წვდომას მისცემს. Sotheby’s-ის საოპერაციო დირექტორმა ბრუნო ვინჩიგერამ განაცხადა, რომ Sotheby’s ჯერ კიდევ 15 წლის წინათ ცდილობდა ინტერნეტ-ვაჭრობის ბაზარზე გასვლას, თუმცა მაშინ აღმოაჩინეს, რომ ონლაინ-ბაზარი ამისთვის ჯერ მზად არ იყო. შემდეგ Sotheby’s-მ რამდენიმე ინტერნეტ-პროექტი გაუშვა, მათ შორის საკუთარი პლატფორმაBIDnow-ი. 2013 წელს, Sotheby’s-ის მიერ რეალიზებული საქონლის 17% ინტერნეტით იყო შეძენილი. ადრე, დენ ლები, რომელიც ფონდი Third Point-ის ( Sotheby’s-ის 9.6%-ის მფლობელი) დამფუძნებელია, აკრიტიკებდა 270-წლიანი ისტორიის სააუქციონო სახლს და მას ადარებდა „ძვენ ნახატს, რომელიც სასოწარკვეთილად საჭიროებს რესტრავრაციას“. მაისში ლები და მის მიერ ნომინირებული ორი დირექტორი, Sotheby’s-ის დირექტორთა საბჭოს შემადგენლობაში შევიდნენ.