24-27 ივლისს, ბათუმში, რიგით მე-8 მასშტაბური, შავი ზღვის ჯაზ-ფესტივალი გაიმართება. კონცერტები 4 დღის განმავლობაში, ყოველ საღამოს, ბათუმის ტენისის კორტებზე ჩატარდება. მასში მონაწილეობას, ტრადიციულად, მსოფლიოს ცნობილი ჯაზ-შემსრულებლები მიიღებენ. მათ შორის იქნებიან: KOOL AND THE GANG (USA), LIV WARFIELD feat. The NPG Hornz (USA), BOOTSY COLLINS & The Funk Unity Band (USA), MARIO BIONDI (IT), RAMON (AT), MEN IN BRASS (GER), Parov Stelar presents MAX THE SAX (AT).
ფესტივალის ფარგლებში, ბათუმის ბულვარის ტერიტორიაზე ფასიანი კონცერტების გარდა, ბენდი „MEN IN BRASS,“ სამი დღის განმავლობაში, 15 უფასო კონცერტს გამართავს და ნებისმიერ სტუმარს საშუალება ექნება, ცოცხალ მუსიკას სრულიად უფასოდ მოუსმინოს.
2008 წლიდან, “BLACK SEE JAZZ FESTIVAL,” ევროპის ყველაზე პრესტიჟული მუსიკალური ფესტივალების კატალოგშია შესული. 
ფესტივალის წარმდგენი საქართველოს კულტურისა და ძეგლთა დაცვის სამინისტრო და თი ბი სი ბანკის პერსონალური საბანკო მომსახურება TBC status-ია.
მხარდამჭერები არიან: აჭარის კულტურის სამინისტრო, ბათუმის მერია, აჭარის ტურიზმის დეპარტამენტი, კავკასუს ონლაინი და საუნდსითი. 
მასპინძელი: შერატონ ბათუმი და ტურისტული კომპანია „კალიფსო“.
ფესტივალის საინფორმაციო მხარდამჭერია რადიო „ფორტუნა“.
ფესტივალის ორგანიზატორია კომპანია „ისთერნ პრომოუშენი“.

ფესტივალის პროგრამა:
24 ივლისი, 21:00 - ბათუმის ტენისის კორტები - KOOL AND THE GANG (USA)
25 ივლისი, 21:00 - ბათუმის ტენისის კორტები - LIV WARFIELD feat. The NPG Hornz (USA)
26 ივლისი, 21:00 -ბათუმის ტენისის კორტები - BOOTSY COLLINS &The Funk Unity Band (USA)
24-26 ივლისი, 23:00 - კლუბი "Take Five" - RAMON (AT)
24-26 ივლისი, 11:00 - 20:00 - ბათუმის ბულვარი – MEN IN BRASS (GER)
27 ივლისი, 23:00 - კლუბი "Take Five" - Parov Stelar presents MAX THE SAX(AT)