1. სნეიპის როლის შემსრულებლად ალან რიკმენი თავად როულინგმა შეარჩია. მწერალსა და მსახიობს დიდხანს ჰქონდათ საუბარი პერსონაჟის შესახებ და ჯოანმა ალანს ყველა ნაცნობი თუ უცნობი დეტალი გაანდო. 2. შემოქმედებით ჯგუფს სურდა, მაქსიმალურად დამსგავსებოდნენ ფილმის პერსონაჟები წიგნში აღწერილ ადამიანებს. სწორედ ამიტომ, გადაწყვეტილი იყო, დენიელს სპეციალური ლინზები ჩაესვა, ემას კი – სხვანაირი კბილები. სამწუხაროდ, ვერც ერთი მსახიობი ვერ შეეგუა ფიზიკურ ცვლილებებს და რეჟისორს დათმობაზე წასვლა მოუხდა. 3. ჯადოსნურ სარკეზე წერია: “Erised stra ehru oyt ube cafru oyt on wohsi”, რაც უკუღმა იკითხება, როგორც “I show not your face but your heart’s desire.” (“მე გიჩვენებ არა შენს სახეს, არამედ იმას, რაც გულით ყველაზე მეტად გსურს”). 4. პირველი მსახიობი, რომელიც როლზე დაამტკიცეს, იყო ჰაგრიდის როლის შემსრულებელი რობი კოლტრეინი. პესრონაჟის განმასახიერებლის შერჩევაში უშუალო მონაწილეობა მიიღო წიგნის ავტორმა. 5. ჩაფიქრებული იყო, რომ ჯადოსნური სარკის სცენაში თავად როულინგს უნდა განესახიერებინა ჰარის დედა ლილი პოტერი, მაგრამ წიგნის ავტორმა უარი განაცხადა და, მის ნაცვლად, როლზე ჯერალდინ სომერვილი დაამტკიცეს. 6. ჰარის როლზე თავდაპირველად ლაიამ ეიკენი დაამტკიცეს, თუმცა მომდევნო დღეს, როცა აღმოჩნდა, რომ ლაიამი ბრიტანელი არ იყო, მთავარი როლის შემსრულებელ მსახიობზე კასტინგი გაგრძელდა. 7. როდესაც გაიგო, რომ როლზე დაამტკიცეს, დენიელ რედკლიფი აბაზანას იღებდა. 8. რიჩარდ ჰარისი მხოლოდ მას შემდეგ დათანხმდა დამბლდორის პერსონაჟის განსახიერებაზე, რაც შვილიშვილი დაემუქრა, თუ ფილმში მონაწილეობას არ მიიღებ, აღარასოდეს დაგელაპარაკებიო. სამწუხაროდ, ჰარისი 2002 წელს გარდაიცვალა მას შემდეგ, რაც “ჰარი პოტერი და საიდუმლო ოთახი” გამოვიდა. 9. 2002 წლის თებერვლამდე, “ჰარი პოტერი და ფილოსოფიური ქვა” ყველაზე მაღალშემოსავლიან ფილმად სახელდებოდა “ტიტანიკის” შემდეგ. 10. როგორც წიგნშია ნახსენები, ჰარი პოტერის დაბადების თარიღი 1980 წლის 31 ივლისია. სინამდვილეში, 31 ივლისი (1965 წ.) ჯოან როულინგის დაბადების დღეა. რაღაც პერიოდის განმავლობაში, დენიელ რედკლიფს იუბილეს სწორედ ამ დღეს ულოცავდნენ მაშინ, როცა სინამდვილეში ის 1989 წლის 23 ივლისსაა დაბადებული.