Amazon-მა განაცხადა, რომ მობილური საგადახდო ტერმინალიAmazon Local Register-ი წარმოადგინა, რომელიც Android ან iOSპლატფორმაზე მომუშავე სმარტფონს ან პლანშეტს უერთდება. $10-ის ღირებულების მოწყობილობა განკუთვნილია მცირე ბიზნესისთვის და მცირე მაღაზიებს, კაფეებს ან ტაქსის მძღოლებს ამერიკაში, საბანკო პლასტიკური ბარათებიდან გადახდების მიღების საშუალებას მისცემს. რიდერის თანმყოფილი მობილური აპლიკაციის გადმოწერა შესაძლებელია Amazon Appstore-დან, Apple App Store-დან ან Google Play-დან. ბიზნესებმა, რომლებსაც ამ მოწყობილობის გამოყენება სურთ, უნდა შეიძინონ რიდერი, შექმნან საკუთარი ანგარიში საიტზე და გადმოიწერონ აპლიკაცია. ფული, რომელსაც გამყიდველი ამ რიდერის საშუალებით იღებს, პირდაპირ მის საბანკო ანგარიშზე მოხვდება ან თუ სურვილი აქვს მის ანგარიშზე Amazon-ზე. ის კლიენტები, რომლებიც რიდერს 31 ოქტომბრამდე შეიძენენ, ყოველ ტრანზაქციაზე 2016 წლის იანვრამდე 1.75%-იან საკომისიოს გადაიხდიან, ხოლო 31 ოქტომბრის შემდეგ შეძენის შემთხვევაში - 2.5%-იან საკომისიოს. მოწყობილობის შეძენა უკვე შესაძლებელია Amazon-ის საიტზე,ხოლო 19 აგვისტოდან ის რითეილერი Staples-ის მაღაზიებშიც გაიყიდება. Amazon Local Register-ი ჯერ-ჯერობით მხოლოდ აშშ-შია ხელმისაწვდომი.