დღეს, ზუგდიდის საქალაქო სასამართლოში ზუგდიდის მერიის ყოფილი თანამშრომელის ჭაბუკა გეთიას სასამართლო პროცესი გაიმართა. მას პროკურატურა დიდი რაოდენობით ნარკოტიკული ნივთიერების უკანონო შეძენა-შენახვას ედავება. ბრალის დამტკიცების შემთხვევაში  განსასჯელს 7-დან 14 წლამდე თავისუფლებას აღკვეთა ემუქრება. გეთია ჩადენილ დანაშაულს აღიარებს. დღევანდელ პროცესზე განსასჯელის ადვოკატმა ვლადიმერ  ჩიტაიამ  სასამართლოს სხდომის გადადების შუამდგომლობით მიმართა. ადვოკატმა სხდომაზე განმარტა, რომ ჯანმრთელობის მდგომარეობის გაუარესებიდან გამომდინარე,  პროკურატურას საპროცესო შეთანხმების მოთხოვნით მხოლოდ დღეს, დილით მიმართა და დრო ითხოვა. ზუგდიდის რაიონული პროკურატურის პროკურორმა ლევან ფიფიამ სასამართლოს განუცხადა, რომ განსასჯელს საპროცესოზე  უარი ეთქვა. მოსამართლე ნატრული  აკობიამ ადვოკატის შუამდგომლობა გაიზიარა და პროცესი 12 ნოემბრამდე გადადაო. ჭაბუკა გეთია, რომელიც ამ დროისთვის გირაოს საფუძველზეა გათავისუფლებული, ჟურნალისტებთან კომენტარს არ აკეთებს. შეგახსენებთ, რომ  ზუგდიდისმუნიციპალიტეტის საკრებულოს 16 ოქტომბრის  სხდომაზე  დეპუტატმა კახა მიქაიამ განაცხადა, რომ მერიის ყოფილი თანამშრომელი, ჭაბუკა გეთია სამართალდამცველებმა ნარკოტიკული ნივთიერების გამო დააკავეს. მიქაია ამბობს, რომ გეთია სამართალდამცავებმა თბილისი-ზუგდიდის გზაზე 12 სექტემბერს აიყვანეს. დეპუტატის ინფორმაციით, ნარკოტიკი, რომელიც გეთიას ჰქონდაზუგდიდის  მერიის ერთ-ერთი თანამშრომლისთვის იყო განკუთვნილი. ამასთან, კახა მიქაია ზუგდიდის  მერიას დ  აპროკურატურას აფრთხილებს, რომ  ჭაბუკა გეთიაზე  ზეწოლა არ განხორციელდეს.