დავით ნარსია: დევნილთა პრობლემები ჩემთვის ნაცნობია
აჭარისა და სამეგრელო- ზემო სავანეთის ტერიტორიულ ორგანოს ახალი უფროსის მოვალეობის შემსრულებელი ჰყავს. დავით ნარსია წარმოშობით სოხუმიდანაა. იგი, თბილისში, ერთ-ერთ საერთაშორისო ორგანიზაციაში მუშაობდა, შემდეგ ლტოლვილთა და განსახლების სამინისტროში უფროსი სპეციალისტი იყო. დავით ნარსიამ ზუგდიდში, ამ თანამდებობაზე დანიშვნისთანავე დევნილთა რამოდენიმე კომპაქტური ჩასახლება მოინახულა და გაეცნო იქ არსებულ მდგომარეობას.
"მოსაცდელში ყოველდღიურად ათობით ადამიანი მელოდება, ყველას ყურადღება, თანადგომა სჭირდება. ლტოლვილთა და განსხლების სამინისტრო ყველაფეს აკეთებს იმისათვის, რომ ამ ადამიანებმა უკეთ იგრძნონ თავი. აღნიშნულ ადგილზე ვაკანსია იქნა გამოცხადებული. აქ დროებით ვარ. ჩემთან ერთად, კონკურსი უნდა გაიარონ სხვა კანდიდატებმაც, რომლებსაც სურთ ამ ადგილზე დანიშვნა. ახლა რაც შეეხება დევნილთა ჩასახლების თემას — დღევანდელი მდგომარეობით, თაბუკაშვილის ქუჩაზე დევნილთათვის საცხოვრებელი კორპუსები აშენდა, რომელიც გათვლილია 320 ოჯახზე, ბინებზე განაცხადი ოთხიათასასოთხმოცდაათმა ოჯახმა შეავსო. ამ ეტაპზე, მიმდინარეობს მოკვლევები, რომელიც სავარაუდოდ, თებერვლის ბოლოს დასრუდება. რაც შეეხება დევნილთა შესახლების პროცესს, ზუსტი თარიღი ჯერჯერობით უცნობია, ეს ინფორმაცია საჯარი იქნება და გამოქვეყნდება სამინისტროს ვებ-გვერდზე."-აცხადებს ნარსია.
სამომავლოდ, ბარამიას ქუჩაზე იგეგმება დევნილთა საცხოვრებელი კორპუსების მშენებლობა. აღნიშნულ პროექტზე ტენდერია გამოცხადებული,როგორც კი გამარჯვებული გამოვლინდება, ლტოლვილთა და განსახლების სამინისტრო სამშენებლო სამუშაოებს დაიწყებს.
მასალის გამოყენების პირობები