საქართველოს იუსტიციის სამინისტროს  "დანაშაულის პრევენციის ცენტრის"  ზუგდიდის ფილიალმა მუშაობა დაიწყო. ოფისი ზუგდიდის იუსტიციის სახლში განთავსდა.  ცენტრის მიზანია დანაშაულის, მათ შორის განმეორებითი დანაშაულის პრევენცია, რისკ-ფაქტორების მატარებელ  არასრულწლოვანებთან მუშაობა და სხვა. დანაშაულის პრევენციის ზუგდიდის ფილიალს დღეს ცენტრის დირექტორი ჯონი კვინიკაძე სტუმრობდა. მან ჟურნალისტებთან, საუბარში აღნიშნა, რომ სამეგრელოს რეგიონში პროგრამის ამოქმედება მნიშვნელოვანია, რადგან აქ ყოფილი პატიმრების რაოდენობა მაღალია. მისივე განმარტებით, პროგრამის ფარგლებში, სხვა მომსახურეობებთან ერთად, ხდება ყოფილ პატიმართა ფიზიკური და ფსიქიკური ჯანმრთელობის პროგრამების მოგვარება, პროფესიული გადამზადება და პროგრამის წარმატებული მონაწილეების დასაქმების ხელშეწყობა. "ცენტრის ერთ-ერთი მთავარი პრიორიტეტია  რესოციალიზაციის პროგრამა . პროგრამაში ჩართვა ნებაყოფლობითია. სამეგრელოში მცხოვრებ ყოფილ  პატიმრებს შეუძლიათ მიმართონ ზუგდიდის იუსტიციის სახლში გახსნილ ფილიალს და ჩერთონ პროგრამში. ", - თქვა ჯონი კვინიკაძე. ყოფილ მსჯავრდებულთა რეაბილიტაციისა და რესოციალიზაციის პროგრამა 2 წლის წინ ამოქმედდა.  ამ ეტაპზე, ზუგდიდის გარდა, დანაშაულის პრევენციის ფილიალები გორში, ქუთაისსა და ბათუმში ფუნქციონირებს.