სტაფორდშირის საგრაფოში, ინგლისურ ქალაქ სტოკ-ონ-ტრენტში,სადაც მომღერალი დაიბადა, ქუჩებს რობი უილიამსის სიმღერების სახელები დაარქვეს ”მე ძალიან ვამაყობ ჩემი ქალაქით. ჩემთვის დიდი პატივია იმის ცოდნა, რომ სტოკ-ონ-ტრენტის ქუჩებს, ჩემი სიმღერების სახელები ჰქვია. ეს დიდებული მემკვიდრეობაა და ვამაყობ იმითაც, რომ ოდესმე მექნება შანსი, ეს ყველაფერი ჩემ შვილებს ვანახო”, - ამბობს მომღერალი. ახლა ქალაქის ქუჩების სახელწოდება ასე ჟღერს : Angels Way, Candy Lane და Supreme Street. ეს დიდებული საჩუქარი უილიამსს თანაქალაქელებმა გაუკეთეს, 40 წლის იუბილესთან დაკავშირებით, რომელიც მუსიკოსმა შარშან აღნიშნა. რობი უილიამსი ბრიტანეთში ყველაზე პოპულარულ შემსრულებლად ითვლება. მას მსოფლიოს მასშტაბით, ალბომების 55 მილიონ ეგზემპლარზე მეტი აქვს გაყიდული.