ორადგილიანი თვითმფრინავი, რომელსაც ცნობილი ამერიკელი მსახიობი ჰარისონ ფორდი მართავდა, ლოს-ანჯელესის გარეუბანში გოლფის სათამაშო მინდორზე ჩამოვარდა. მსახიობმა, რომელიც სასწრაფოდ გადაიყვანეს კლინიკაში, მრავალრიცხოვანი ტრავმები, მათ შორის თავის მძიმე ტრავმა მიიღო. ავარიის მიზეზი თვითმფრინავის მექანიკური გაუმართაობა აღმოჩნდა. სანტა-მონიკას აეროპორტიდან აფრენიდან რამდენიმე წუთში, ჰოლივუდის ცნობილმა ექსტრემალმა, დისპეჩერს ძრავის გაუმართაობის შესახებ შეატყობინა და ავარიული დაჯდომა ითხოვა, აეროპონტამდე ვერ მიაღწია, ხის ტოტებს გამოედო და ჩამოვარდა. ავიაციით გატაცებული მსახიობისთვის ეს უკვე მეორე ავარიაა. 1999 წლის ოქტომბერში ვერტმფრენი ჩამოვარდა, რომელსაც მსახიობი მართავდა, იმავე წლის ზაფხულში კი, 72 წლის ფორდმა ფილმის ”ვარსკვლავური ომები: ეპიზოდი VII” გადაღებებზე ფეხი მოიტეხა.