,,ირბინე მთელი ღამე” ასე ჰქვია ახალ ამერიკულ კრიმინალური ტრილერს , რომელშიც მთავარ როლს ლაიამ ნისონი თამაშობს. ფილმში მისი გმირი განგსტერი ჯიმი კონლონია, რომელსაც უწევს ერთი ღამის განმავლობაში არჩევანი გააკეთოს საკუთარ შვილს - რომლის სიცოცხლეც საფრთხეშია და ძველ მეგობარს შორის, რომელიც ბანდის მეთაურია. მსახიობის განცხადებით, ეს ფილმი არის იმაზე, თუ რა გამოსასყიდის გადახდა უწევთ ადამიანებს თავიანთ ცხოვრებაში დაშვებული შეცდომების საფასურად, იმისათვის, რათა დაიმსახურონ პატიება. ,,ჩვენ ყოველთვის ვეძებთ რაღაც სახის ღრმა კავშირებს ჩვენს შვილებთან, მშობლებთან” - ამბობს ლაიამ ნისონი. ფილმში ნისონის გმირის შვილს, შვედი მსახიობი ჯოელ კინამანი ასრულებს. მისი თქმით ფილმის გადაღების პროცესში ისინი ძალიან დაახლოვდნენ, რაც როლის უკეთ მორგებაში დაეხმარათ. ,,ლაიამი არის კეთილი და თბილი ადამინი და ამავდროულად გასაოცარი მსახიობი, ასე რომ ჩვენ ადვილად დავმეგობრდით და ბევრს ვსაუბრობდით, რათა უკეთ გაგცვეცნო ერთმანეთი. ეს ძალიან დაგვეხმარა გვეთამაშა მამა-შვილის ურთიერთობა” - ამბობს ჯოელ კინამანი. ფილმის მსოფლიო პრემიერა უკვე შედგა ნიუ-იორკში.