შავი შოკოლადის პატარა ფილა სიმშვიდეს შეგინარჩუნებთ და ნერვულ ფონს მოგიხსნით. შესაბამის დასკვნამდე ჰოლანდიელი და შვეიცარიელი მეცნიერები მივიდნენ. შავი შოკოლადი ამცირებს სტრესის ჰორმონების დონეს და აბალანსებს ორგანიზმში ქიმიურ პროცესებს. როდესაც მეცნიერთა მიერ ჩატარებულ კველვაში მონაწილე მოხალისეები დილით შავ შოკოლადს მიირთმევდნენ, ამ დროს სპეციალისტები სტრესის ჰორმონის გამომუშავებას აკვირდებოდნენ. დაკვირვების შედეგად რამდენიმედღიანი შოკოლადის თერაპიის შემდეგ ჰორმონების დონე დასტაბილურდა და მოხალისეთა განწყობა გაუმჯობესდა. სპეციალისტების აზრით, დღეში შავი შოკოლადის 40 გრამი საკმარისია, რომ განწყობილება გაგიუმჯობესდეთ და ნივთიერებათა ცვლის პროცესი მოიწესრიგოთ. მეცნიერებმა დაასკვნეს, რომ ფლავონოიდებით მდიდარი შოკოლადი მნიშვნელოვნად ამცირებს გულ-სისხლ-ძარღვთა დაავადებისა და მაღალი არტერიული წნევის რისკს. თავის მხრივ დიეტოლოგები გვახსენებენ შოკოლადის შაქრისა და ცხიმის მაღალი შემცველობის შესახებ და გვირჩევენ ნუგბარი მხოლოდ ზომიერების ფარგლებში მივიღოთ.