დღეს წალენჯიხის მუნიციპალიტეტში სადაზღვევო კომპანია ალდაგის ზუგდიდის ოფისის წარმომადგენელი გიორგი ხასია სამეგრელოს რეგიონის ფერმერებს შეხვდა.მან შეხვედრის მონაწილეებს აგროდაზღვევის განახლებული პროგრამის შესახებ დეტალური ინფორმაცია მიაწოდა.სადაზღვევო კომპანია ალდაგი სამეგრელოს რეგიონის ფერმერებს მყოფ თხილის, კაკლის, ციტრუსის და სუბტროპიკული კულტურების დაზღვევას სთავაზობს. გიორგი ხასიას თქმით,პროგრამა მიზნად ისახავს სოფლის მეურნეობის სფეროს განვითარებას და აგრო სექტორში სადაზღვევო ბაზრის დამკვიდრებას. მისი განმარტებით სახელმწიფო ფერმერებს სადაზღვევო პრემიის დიდ ნაწილს 40% -დან 60%-მდე დაუფინანსებს."ჩვენი კომპანია კარგ სერვისს სთავაზობს ფერმერებს,ჩვენთან დაზღვეულები დაცულები არიან ნებისმიერი სადაზღვევო რისკის შემთხვევაში, ზარალი ანაზღაურდება.“-თქვა ალდაგის წარმომადგენელმა გიორგი ხასიამ. სადაზღვევო კომპანია ალდაგი მიკროსაფინანსო ორგანიზაციასთან "კრედო" და საქართველოს ბანკთან თანამშრომლობით, ფერმერებს აგროდაზღვევის პოლისების შეძენის გამარტივებულ სქემას სთავაზობს.