სერიალის “ნამდვილი დეტექტივის” რეჟისორი კერი ფუკუნაგა რამდენიმე წელია მუშაობს სტივენ კინგის რომანის სახელწოდებით “It” ეკრანიზაციაზე. გარდა ამისა ფუკუნაგამ ხელი მოკიდა ახალ ისტორიულ სერიალს პირველ ამერიკელ მანიაკზე – “Alienist” სერიალი კალებ კარის ბესტცელერის ეკრანიზაცია იქნება. ქალაქის მოსახლეობა შოკირებულია სასტიკი მკვლელობებით, ვიღაც ყოველდღე ხოცავს უამრავ ბავშვს. მკვლელობებში დამნაშავეს ფსიქოლოგი ლასლო კრეიცლერი ეძებს, რეპორტიორისა და პოლიციის კომისარის დახმარებით. ისინი გამოძიებისთვის არატრადიციულ მეთოდებს მიმართავენ. სერიალზე ფუკუნგასთან ერთად Paramount TV და Anonymous Content გაერთიანდებიან. შეგახსენებთ, რომ რეჟისორს სერიალისთვის “ნამდვილი დეტექტივი” მიღებული აქვს ემის პრემია.