ინგრედიენტები:

ფქვილი 150 გამაფხვიერებელი 10გ

ნიგოზი ერთი მუჭა

მწიფე ბანანი - 2ც

კვერცხი - 2ც

შაქარი - 100 გ

კარაქი - 50 გ, კრემისთვის კიდევ 150 გრამი დაგჭირდებათ

არაჟანი - 2 ს.კ.

მომზადების წესი:

ათქვიფეთ კვერცხი, დაამატეთ შაქარი და არაჟანი. კარაქი გაადნეთ, ბანანი ჩანგლით დასრისეთ. კარაქი და ბანანი დაამატეთ კვერცხის მასას. ათქვიფეთ კარგად. ნიგოზი დანით წვრილად დაჭერით და დაუმატეთ ნარევს.

გაცრილ ფქვილს შეურიეთ გამაფხვიერებელი, ყველაფერი კარგად აურიეთ და ცომი ჩაასხით ცხიმწასმულ ფორმაში, გამოაცხეთ 190 გრადუსზე 40 წუთის განმავლობაში. როდესაც ბისკვიტი გაცივდება, გაჭერით ორ ნაწილად, ფრთხილად, თხლად ჩამოაჭერით ზედაპირი და ძირი და ბლენდერში დააქუცმაცეთ.

კრემისთვის ათქვიფეთ დარბილებული კარაქი, დაუმატეთ ერთი ქილა შესქელებული რძე. წასუვით ორივე ფენას, ზემოდან მოაყარეთ ნაფხვენები. შეგიძლიათ ბანანის პატარა ნაჭრებითაც მორთოთ.