ზუგდიდის მუნიციპალიტეტის გამგეობის პრესსამსახური უფროსი, „ბურჯანაძე-ერთიანი ოპოზიცია“  ზუგდიდის ოფისის ხელმძღვანელს გოგიტა ბიგვავას პასუხობს. მაია ღურწკაიას თქმით, გოგიტა ბიგვავასგანცხადებები უსაფიძვლოა. „როგორც ჩანს ბიგვავამ არ იცის, რა რთულ პროცედურებთან არის დაკავშირებული გზის შეკეთება. გამგეობამ ბევრი გზის კეთილმოწყობა უზრუნველყო და მომავალშიც  უამრავი გზის შეკეთება აქვს დაგეგმილი. რაც შეეხება გზის გადაკეტვას- ის დღის ბოლოს გაიხსნება. აღნიშნული სამუშაოები უამინდობის გამო გაიწელა “, - თქვა მაია ღურწკაიამ. პოლიტიკური პარტიის “ბურჯანაძე-ერთიანი ოპოზიცია“ ზუგდიდის ოფისის ხელმძღვანელი გოგიტა ბიგვავა  ანაკლია-ზუგდიდის  საავტომობილო გზაზე, ევკალიპტის ხეების გასხვლის გამო ჩატარებულ სამუშაოებს, რამაც გზის გადაკეტვა გამოიწვია, პრესკონფერენციით გამოეხმაურა. მისი თქმით, დაბალი ზონის სოფლების მოსახლეობას, დაახლოებით, 3-კილომეტრიანი შემოვლითი და მოუწესრიგებელი გზის გავლა კვირაზე მეტია უწევს. ის ამბობს, რომ აღნიშნული სამუშაოების დაწყებამდე გამგეობას შემოვლითი გზის მოხრეშვა უნდა უზრუნველეყო.